dhoop men niklo ghataon men naha kar dekho zindagi kya hai kitaabon ko hata kar dekho

jo duniya ko sunaai de use kahte hain khaamoshi jo aankhoñ men dikhaai de use toofaan kahte hain

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

hal karne se dartaa hooñ sab aasaan sawaalon ko lahren dekhti rahtii hain dariyaa dekhne waalon ko

main na soya raat saari tum kaho bin mere kaise guzaari tum kaho hijr aañsu dard aahen shayari ye to baatein theen hamaari tum kaho