us ladki se bas ab itnaa rishta hai mil jaa.e to baat wagaira karti hai baarish mere rab ki aisi nemat hai rone men aasaani paida karti hai

hogaa koi aisa bhi ki ghalib ko na jaane shaair to vo achha hai pa badnaam bahut hai

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

kaun si baat hai tum men aisi itne achchhe kyun lagte ho

jo duniya ko sunaai de use kahte hain khaamoshi jo aankhoñ men dikhaai de use toofaan kahte hain

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

jaane kis haal men ham hain ki ha men dekh ke log ek pal ke li.e rukte hain guzar jaate hain

do ghadi us se raho door to yuñ lagta hai jis tarah saaya-e-deewar se deewaar juda

faraaz tark-e-taalluq to KHair kya hogaa yahii bahut hai ki kam kam mila karo us se

usne nazar nazar men hi aise bhale sukhun kahe maine to uske paanv men saara kalaam rakh diya