teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kuchh baat hai ki hasti mitati nahin hamaari sadiyon raha hai dushman daur e zamaan hamaara

ye alag baat ki KHaamosh khade rahte hain phir bhi jo log bade hain vo bade rahte hain

use kisi se mohabbat thii aur vo main nahin tha ye baat mujhse zyaada use rulaati thii

us khoob-roo se rabt zaraa kam hua meraa ye dekh kar udaasi mere sang lag gaii

tamaam mas'ale uthaaye phir rahe hain ham isi li.e bhi chalte chalte thak ga.e hain ham the kitne kam-naseeb ham ki raabta na tha hain kitne khushnaseeb tujh ko choo rahe hain ham

tujhe karne hai to musawaat kar ki behtar hamaare bhi haalaat kar mita dil men bante ye seharaaon ko KHuda apne bandon pe barsaat kar

ye aasmaañ men koi but baitha bhi hai ki naiiñ ya ham zameen ke log yuñ hi chikhte hain bas

ab nahin hain log jo duniya the pahle aur ye duniya bhi ab duniya nahin hai