main chahta tha mujhse bichhad kar vo KHush rahe lekin vo KHush hua to badaa dukh hua mujhe

ek nazar dekhte to jaao mujhe kab kaha hai gale lagao mujhe tumko nuskha bhi likh ke de doonga zakhm to theek se dikhaao mujhe

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

tum mohabbat ko khel kahte ho ham ne barbaad zindagi kar li

kitna mahfooz hooñ main kone men koi archan nahin hai rone men maine us..ko bacha liya varna doob jaata mujhe dubone men

baat kah doon to rag-e-dil men utar hi jaayegi sharm roke hai mujhe naadaan samajhte hi nahin

bas na aaya khelna dil se kisi ke dil lutaane ka hunar ham jaante hain

ye zindagi tanhaaii ka aaghaaz karti ja rahi takraar karte the kabhi vo log ab chup ho ga.e

ye sharmate tu kahe yuñ ki main itni sundar kahaan hooñ mirii aankhoñ kii ye tauheen nahin to phir aur kya hai

tadap ke roye hain chehra agar chhupaaya hai ki log dekh na le aankh men samandar ko