mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

main zindagi men aaj pahli baar ghar nahin gaya magar tamaam raat dil se maa ka dar nahin gaya bas ek dukh jo mere dil se umr bhar na jaayega us..ko kisi ke saath dekh kar main mar nahin gaya

koi samandar koi nadi hoti koi dariyaa hota ham jitne pyaase the hamaara ek gilaas se kya hota taane dene se aur ham pe shak karne se behtar tha gale laga ke tumne hijrat ka dukh baat liya hota

ik kali ki palkon par sard dhoop thehri thii ishq ka mahina tha husn ki dupahri thii KHvaab yaad aate hain aur phir daraate hain jaagna bataata hai neend kitnii gahri thii

haal meethe falon ka mat poochho raat din chaakooon men rahte hain

tu kahii aas-paas tha vo tira iltibaas tha main use dekhta raha phir mujhe neend aa gaii

husn ko husn banaane men mira haath bhi hai aap mujh ko nazar-andaaz nahin kar sakte

meraa bhi ek baap tha achha sa ek baap vo jis jagah pahunch ke mara tha wahin hooñ main