teri soorat se hai aalam men bahaaron ko sabaat teri aankhoñ ke siva duniya men rakha kya hai

hamesha ik doosre ke haq men dua karenge ye tay hua tha milen ya bichhade magar tumheen se vafaa karenge ye tay hua tha

tere siva bhi kaii rang KHush nazar the magar jo tujhko dekh chuka ho vo aur kya dekhe

meraa armaan meri KHvaahish nahin hai ye duniya meri basaaoge nahin hai main tere KHvaab waapas kar raha hooñ meri aankhoñ men gunjaish nahin hai

jo toofaanon men palte ja rahe hain vahii duniya badalte ja rahe hain

phir aaj adam shaam se gamgeen hai tabeeyat phir aaj sar-e-shaam main kuchh soch raha hooñ

dil abhii poori tarah toota nahin doston ki meherbaani chahiye

badh ke toofaan ko aaghosh men le le apni doobne waale tire haath se saahil to gaya

kahte hain umr-e-rafta kabhi lauTtii nahin ja may-kade se meri jawaani utha ke la

had se badh kar haseen lagte ho jhooti qasmen zaroor khaaya karo