koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

maana ki teri deed ke qaabil nahin hooñ main tu miraa shauq dekh miraa intizaar dekh

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

dekho ham koi wahshi nahin deewane hain tumse button khulwane nahin lagwane hain

nazar men rakhna kahii koi gham shanaas gaahak mujhe sukhun bechna hai kharcha nikaalna hai

tu uske dil men jagah chahta hai yaar jo shaKHs kisi ko deta nahin apne saath waali jagah

kitaab-e-ishq men har aah ek aayat hai par aañsuon ko huroof-e-muqattia'at samajh

pata tha us se bichhadte hi dost gherenge vahii hua mujhe ranj-o-alam ne gher liya

meraa haath pakad le paagal jungle hai jitna bhi raushan ho jungle jungle hai