tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

koi itnaa pyaara kaise ho saka hai phir saare ka saara kaise ho saka hai tujhse jab milkar bhi udaasi kam nahin hoti tere baghair guzaara kaise ho saka hai

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

naam pe ham qurbaan the us ke lekin phir ye taur huaus ko dekh ke ruk jaana bhi sab se badi qurbaani thii mujh se bichhad kar bhi vo ladki kitnii KHush KHush rahtii haius ladki ne mujh se bichhad kar mar jaane ki thaanii thii

kisi gali men kiraye pe ghar liya usne phir us gali men gharo ke kiraye badhne lage

apne hujre men pada rehta hai chupchaap anchal log awaaz pe awaaz diya karte hain

un se kah do ke vo ab baam pe aaya na karen kitne logon ko vo barbaad kiya karte hain

tamannaa us kali kii hai faqat mujh...ko jise sab titliyan khaalis bataati hain

andha banaa ke haath men kashkol rakh diya dhokha mila hai mulk ko andhe safeer se vo jism dhoondhta hai mire KHvaab bech kar takra raha hai khwahishon ka dukh zameer se

be-sabab yuñ muskurata hooñ magar sach kahooñ to dil meraa udaas hai