ham bhi dariyaa hain ha men apna hunar maaloom hai jis taraf bhi chal padenge raasta ho jaayega

shaakhon se toot jaayen vo patte nahin hain ham aandhi se koi kah de ki auqaat men rahe

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

vo dekhne mujhe aanaa to chahta hogaa magar zamaane ki baaton se dar gaya hogaa

laakh kahte rahen zulmat ko na zulmat likhna ham ne seekha nahin pyaare b-ijaazat likhna

kuchh log khayaalon se chale jaayen to soyen beete hue din raat na yaad aayen to soyen

duniya to chahti hai yoonhi faasle rahen duniya ke mashwaron pe na ja us gali men chal

pa sakenge na umr bhar jis ko justuju aaj bhi usii ki hai