agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

mujhe azaad kar do ek din sab sach bataa kar tumhaare aur uske darmiyaañ kya chal raha hai

tum poochho aur main na bataaun aise to haalaat nahin ek zaraa sa dil toota hai aur to koi baat nahin

din dhal gaya aur raat guzarne ki aas men suraj nadi men doob gaya ham gilaas men

zaraa tum apni had men rahne ki koshish karo varna tumhaare aib se ik din tumhein badnaam kar denge

ye hawaon ki sangat ka phal tha ki ab aaine men nahin dikhta meraa badan

zaraa rakh le tu naam uskaa labon par KHuda ki ibadat men raahat milegi

zindagi ka har varq ba-shauq padiye ye kitaab ik roz lautaani bhi to hai

ye chand be-jaan se hi ashaar hain mire pyaar ke KHaatir mirii ghazal ek bewa ke aañsuon men is tarah doobi hai