ham vo hain jo KHuda ko bhool ga.e tum meri jaan kis gumaan men ho

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

haaye kya daur-e-zindagi guzra waqie ho ga.e kahaanii se

meer ke baad ghalib o iqbaal ik sadaa ik sadi men guzri hai

jahaan insaaniyat vehshat ke haathon zabh hoti ho jahaan tazleel hai jeena vahaañ behtar hai mar jaana

umr jo be-khu dii men guzri hai bas vahii aagahi men guzri hai