koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

hamaare baad tere ishq men naye ladke badan to choomenge zulfen nahin sanvaarenge

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

ye shahar aam sa hi shahar hai behisht nahin bas ik aziz raha karta tha yahaañ meraa

zehn-o-dil men mere pech hai ik fansi tujhko jaana hai to ja chala ja abhii ishq hai tujhse ya hai mahaj dil lagii tujhko jaana hai to ja chala ja abhii ye taalluq bhi aasaan nahin hum-safar mod aane hain aayenge aage magar ghar palatne ka ye mod hai aakhiri tujhko jaana hai to ja chala ja abhii

na pehla tha na hooñ main aakhiri hi bazm-e-jaanaan men magar main chahta tha silsila mujhpe ruka hota

tumhein yaqeen nahin aayega lekin main sach kahtaa hooñ main ne us insaan ko dekha bhi hai aur jiya bhi hai

is kahaanii men kahii naam hamaara bhi to tha usse kehna ki sikandar kabhi haara bhi to tha