ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

Ahd e rafaaqat theek hai lekin mujh ko aisa lagta hai

khoob hai ishq ka ye pehlu bhi main bhi barbad ho gaya tu bhi

muskuraaye ham us se milte waqt ro na padte agar khushi hoti

saari duniya ke gham hamaare hain aur sitam ye ki ham tumhaare hain

uske badan ko dii numood hamne sukhan men aur phir uske badan ke vaaste ik qaaba bhi si gaii