tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

bedili kya yun hi din guzar jaayenge sirf zinda rahe ham to mar jaayenge

main agar apni jawaani ke suna doon qisse ye jo launde hain mere paanv dabane lag jaa.e

aaj dekha hai tujh ko der ke ba'd aaj ka din guzar na jaa.e kahii

jab talak quwwat-e-takhyul hai aap pahluu se uth nahin sakte

meri pahli nazar lautaa de mujh ko teri jaanib dobaara dekhna hai

main ne us ki taraf se khat likkha aur apne pate pe bhej diya

badan ka zikr baatil hai to aao bina sar pair ki baatein karenge

kamra khola to aankh bhar aayi ye jo KHushboo hai jism thii pahle