ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

ab zaroori to nahin hai ki vo sab kuchh kah de dil men jo kuchh bhi ho aankhoñ se nazar aata hai main usse sirf ye kahtaa hoon ki ghar jaana hai aur vo maarnay marne pe utar aata hai

main us se ye to nahin kah raha juda na kare magar vo kar nahin saka to phir kaha na kare vo jaise chhod gaya tha mujhe use bhi kabhi KHuda kare ki koi chhod de KHuda na kare

kaash vo raaste men mil jaa.e mujh ko munh fer kar guzarna hai

sau sau umeedein bandhti hai ik ik nigaah par mujh ko na aise pyaar se dekha kare koi

gham-zada geet gungunaana hai haal-e-dil aapko sunaana hai

yaqeen kis tarah koii unpe karega vo khaate hain jhoothi qasam dekhte hain nahin jiski taabeer koii jahaan men vahii khwaab ham ai sanam dekhte hain

khilte hi nahin phool dil-o-jaan ke hamaare dil ko teri ulfat men sadaa zakhm mila hai

thaatt se chaloge kya khaak men paloge kya saath ho hamesha ka door tak chaloge kya

aabaad hue shahar men shamshaan hazaaron qaatil tere shamsheer ke ehsaan hazaaron jo aap chale aa.e sare baam qasam se hone lage qurbaan dilo jaan hazaaron