ham pe ehsaan hain udaasi ke muskuraayein to sharm aati hai

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare

na hua naseeb qaraar ae jaan havas ae qaraar bhi ab nahin tira intizaar bahut kiya tira intizaar bhi ab nahin tujhe kya khabar mah o saal ne ha men kaise zakham diye yahaañ tiri yaadgaar thii ik khalish tiri yaadgaar bhi ab nahin

umr se meri fankaari ko mat aanko khambe se behtar ghazlein kahtaa hooñ

rekhte ke tumheen ustaad nahin ho ghalib kahte hain agle zamaane men koi meer bhi tha

bosa honton ka mil gaya kis ko dil men kuchh aaj dard meetha hai

ustaad ke ehsaan ka kar shukr muneer aaj ki ahl-e-sukhan ne tiri taa'riif badi baat

mahroom hooñ main khidmat-e-ustaad se muneer kolkata mujh ko gor se bhi tang ho gaya