mere hothon ke sabr se poochho uske haathon se gaal tak ka safar

vo mujh ko chhod ke jis aadmi ke paas gaya baraabari ka bhi hota to sabr aa jaata

nikaal laaya hooñ ek pinjare se ik parinda ab is parinde ke dil se pinjra nikaalna hai

kisi se chhoti si ek ummeed baandh leejie mohabbaton ka agar janaaza nikaalna hai

ghazal ki naav men baithe hue ham tere gham se kinaara kar rahe hai

dil aaj shaam se hi use dhoondhne laga kal jis ke baa'd kamre men tanhaaii aayi thii

main ne tasveer fenk dii hai magar keel deewaar men ga dii hui hai

kaisa mujh ko banaa diya ammaar kaun sa rang bhar ga.e mujh men

KHud hi jaane lage the aur KHud hi raasta rok kar khade hue hain

nazar se tum ko mile na koii suraagh dil ka jhuka ke gardan bujha liya hai charaaghh dil ka sunoon na kaise karoon na kyunkar main apne dil kii mere alaava hai kaun is bad-dimaagh dil ka