Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

gale milnaa na milnaa to teri marzi hai lekin tere chehre se lagta hai teraa dil kar raha hai

dhoop men niklo ghataon men naha kar dekho zindagi kya hai kitaabon ko hata kar dekho

jo toofaanon men palte ja rahe hain vahii duniya badalte ja rahe hain

roz milne pe bhi lagta tha ki jug beet ga.e ishq men vaqt ka ehsaas nahin rehta hai

ham apni dhoop men baithe hain mushtaaq hamaare saath hai saaya hamaara

yaar sab jama hue raat ki khaamoshi men koi ro kar to koi baal banaa kar aaya

ye paani KHaamushi se bah raha hai ise dekhen ki is men doob jaayen

main bahut KHush tha kaddi dhoop ke sannaate men kyun teri yaad ka baadal mere sar par aaya