shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye mujhe chain kyun nahin padta ek hi shaKHs tha jahaan men kya

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

shaayad mujhe kisi se mohabbat nahin hui lekin yaqeen sab ko dilaata raha hooñ main

sab ke chehre pe jo tanqeed kiya karte hain aaina un ko dikha do to mazaa aa jaa.e

chraagh ghar ka ho mehfil ka ho ki mandir ka hawa ke paas koi maslahat nahin hoti

raat to vaqt kii paaband hai dhal jaayegi dekhna ye hai charaaghon ka safar kitna hai

vo mere ghar nahin aata main us ke ghar nahin jaata magar in ehtiyaaton se taalluq mar nahin jaata

tumhaara pyaar to saanson men saans leta hai jo hota nashsha to ik din utar nahin jaata