koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ham vo hain jo KHuda ko bhool ga.e tum meri jaan kis gumaan men ho

shaakhon se toot jaayen vo patte nahin hain ham aandhi se koi kah de ki auqaat men rahe

takra gaya vo mujh se kitaaben li.e hue phir meraa dil aur us kii kitaaben bikhar gaiin

kaii jawaabon se achchhii hai KHaamushi merina jaane kitne sawaalon kii aabroo rakhe

ek bose ke talabgaar hain ham aur maange to gunahgaar hain ham

achchhii soorat ko sanwarne kii zaroorat kya hai saadgi men bhi qayamat kii ada hoti hai

arq nahin tire roo se gulaab tapke hai ajab ye baat hai shole se aab tapke hai