agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

aaj ik aur baras beet gaya us ke baghair jis ke hote hue hote the zamaane mere

paron ko khol zamaana udaan dekhta hai zameen pe baith ke kya aasmaan dekhta hai

tujhe na aayengi muflis ki mushkilaat samajh main chhote logon ke ghar ka badaa hoon baat samajh

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain