dhoop men niklo ghataon men naha kar dekho zindagi kya hai kitaabon ko hata kar dekho

musaafir hain ham bhi musaafir ho tum bhi kisi mod par phir mulaqaat hogii

bichhad ke tujh se na dekha gaya kisi ka milaap uda diye hain parinde shajar pe baithe hue

shor ki is bheed men KHaamosh tanhaaii si tum zindagi hai dhoop to mad-mast purvaai si tum chahe mehfil men rahoon chahe akelaa men rahoon goonjti rahtii ho mujh men shokh shehnai si tum

us waqt bhi akshar tujhe ham dhoondhne nikle jis dhoop men mazdoor bhi chat par nahin jaate

kal raat jo eendhan ke li.e kat ke giraa hai chidiyon ko bahut pyaar tha us boodhe shajar se

ye kya ki vo jab chahe mujhe cheen le mujh se apne li.e vo shaKHs tadpata bhi to dekhooñ

mar bhi jaaun to kahaan log bhula hi denge lafz mere mere hone kii gawaahi denge

tujh ko kya ilm tujhe haarne waale kuchh log kis qadar sakht nadaamat se tujhe dekhte hain

qusoor ho to hamaare hisaab men likh jaa.e mohabbaton men jo ehsaan ho tumhaara ho