mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

dil na-umeed to nahin naakaam hi to hai lambi hai gham ki shaam magar shaam hi to hai

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

le de ke apne paas faqat ik nazar to hai kyun dekhen zindagi ko kisi ki nazar se ham

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

tension se marega na corone se marega ik shaKHs tere saath na hone se marega

is se pahle ki zameen-zaad sharaarat kar jaayen ham sitaaron ne ye socha hai ki hijrat kar jaayen daulat-e-khwab hamaare jo kisi kaam na aayi ab kisi ko nahin milne ki wasiyyat kar jaayen

uskaa number nahin kisi ne liya sab samjhte rahe pari hogii

us ki jaanib se bhi chaaha hai barabar KHud ko maine ik-tarfa muhabbat to kabhi ki hi nahin

suna hai marte nahin pyaar men anaarkali to kaisa lagta hai deewaar men anaarkali