le de ke apne paas faqat ik nazar to hai kyun dekhen zindagi ko kisi ki nazar se ham

raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle

ek nazar dekhte to jaao mujhe kab kaha hai gale lagao mujhe tumko nuskha bhi likh ke de doonga zakhm to theek se dikhaao mujhe

apne chehre se jo zaahir hai chhupaayen kaise teri marzi ke mutaabiq nazar aayen kaise

tegh-baazi ka shauq apni jagah aap to qatl-e-aam kar rahe hain

badalna vaqt ne seekha hai tumse ghadi se pahle ki ijaad ho tum

ye haqeeqat-pasand log bhi na KHvaab dekho to maar dete hain

uski yaadon ki tangdasti men ab ghazal rozgaar hai apna

muhabbat dusri koshish men pahli martaba hogii vahii school ki ladki mere college men aayi hai

aur kuchh der thehar din ka nikalna tay hai vaqt badlega meri jaan badalna tay hai