main saansen tak luta saktaa hooñ uske ek ishaare par magar vo mere har vaade ko sarkaari samajhta hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

dil na-umeed to nahin naakaam hi to hai lambi hai gham ki shaam magar shaam hi to hai

rakh ke har cheez bhoolne waali la teraa dil sanbhaal kar rakh doon

kabhi jo KHvaab tha vo pa liya hai magar jo kho gaii vo cheez kya thii

ye daagh daagh ujaala ye shab-gazeeda sehar vo intizaar tha jis ka ye vo sehar to nahin

ik gul ke murjhaane par kya gulshan men kohraam macha ik chehra kumhala jaane se kitne dil naashaad hue

zindagi kya kisi mufalis ki qaba hai jis men har ghadi dard ke paivand lage jaate hain

aa.e kuchh abr kuchh sharaab aa.e is ke baad aa.e jo azaab aa.e

ham shaikh na lider na musahib na sahafi jo KHud nahin karte vo hidaayat na karenge