meri duniya ujad gaii is men tum ise haadsa samjhte ho aakhiri raasta to baaki hai aakhiri raasta samjhte ho

teraa banta tha ki tu dushman ho apne haathon se khilaaya tha tujhe teri gaali se mujhe yaad aaya kitne taano se bachaaya tha tujhe

gale milnaa na milnaa to teri marzi hai lekin tere chehre se lagta hai teraa dil kar raha hai

main akela hi chala tha jaanib-e-manzil magar log saath aate ga.e aur kaarwaan banta gaya

ab hawaaein hi karengi raushni ka faisla jis diye men jaan hogii vo diya rah jaayega

zindagi se sab ko kuchh to chahiye tu magar vo hai jo sab ko chahiye saath tere ek din hi kaafi hai itni lambi umr kis ko chahiye

vo bichhad gaya ye dukh nahin dukh ye hai ki dekhna pada

ye mujh se bichadna to pehla qadam tha abhii tum yahaañ aur maahir banoge

ye meri mushkil koii mushkil thodii hai gar vo mushkil men hota to mushkil hoti

masale ke tod men naya hi mas'ala ye to mere masale ka hal nahin hua