pyaar ka rishta aisa rishta shabnam bhi chingaari bhi yaanii unse roz hi jhagda aur unhin se yaari bhi

ham bhi gaav men shaam ko baitha karte the hamko bhi haalaat ne baahar bheja hai

tumhaare shahar ka mausam badaa suhaana lage main ek shaam chura luun agar bura na lage

is daur-e-siyaasat ka itnaa sa fasana hai bastii bhi jalani hai maatam bhi manana hai

sabhi ka KHoon hai shaamil yahaañ ki miTTi men kisi ke baap ka hindustan thodii hai

jo un pe guzarti hai kis ne use jaana hai apni hi museebat hai apna hi fasana hai

koocha-e-ishq men nikal aaya jis ko khaana-kharaab hona tha

jo toofaanon men palte ja rahe hain vahii duniya badalte ja rahe hain

tire jamaal ki tasveer kheench doon lekin zabaan men aankh nahin aankh men zabaan nahin

sadaqat ho to dil seenon se khinchne lagte hain waiz haqeeqat KHud ko manvaa letii hai maani nahin jaati