jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

tum bahut KHush rahogi mere saath vaise har ik ki apni marzi hai

vo afsaana jise anjaam tak laana na ho mumkin use ik KHoob-soorat mod de kar chhodna achha

zindagi kis tarah basar hogii dil nahin lag raha mohabbat men

kis li.e dekhti ho aaina tum to KHud se bhi khoobsurat ho

ustaad ke ehsaan ka kar shukr muneer aaj ki ahl-e-sukhan ne tiri taa'riif badi baat

bosa honton ka mil gaya kis ko dil men kuchh aaj dard meetha hai

mahroom hooñ main khidmat-e-ustaad se muneer kolkata mujh ko gor se bhi tang ho gaya