shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

maana ki teri deed ke qaabil nahin hooñ main tu miraa shauq dekh miraa intizaar dekh

kya sitam hai log mere dukh men bhi bas faailaatun waailaatun dekhte hai

har ek chaukhat khulii hui thii har ik dareecha khula hua tha ki uski aamad pe dar yahaañ tak ki begharon ka khula hua tha ye teri hamm ne ha men hi uljhan men daal rakha hai varna ham par tamaam science ke falsafon ka har ek chittha khula hua tha

isliye nahin roya ash'aar men vazn se baahar thii meri siskiyaan

mujh...ko bas uski KHushiyon se matlab hai arjun ko bas aankh dikhaai deti hai

aur phir log yahii kahte firenge ik din yaar kal hi to meri baat hui thii usse