hui muddat ki ghalib mar gaya par yaad aata hai vo har ik baat par kehna ki yuñ hota to kya hota

kisi gali men kiraye pe ghar liya usne phir us gali men gharo ke kiraye badhne lage

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

sabhi ka KHoon hai shaamil yahaañ ki miTTi men kisi ke baap ka hindustan thodii hai

shaayad mujhe kisi se mohabbat nahin hui lekin yaqeen sab ko dilaata raha hooñ main

raasta hai ki katata jaata hai fasla hai ki kam nahin hota

bahut kaam lene hain dard-e-jigar se kahiin zindagi ko qaraar aa na jaa.e

vaqt karta hai parvarish barson haadisa ek dam nahin hota