shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

dhoop men niklo ghataon men naha kar dekho zindagi kya hai kitaabon ko hata kar dekho

main chahta hooñ mohabbat meraa vo haal kare ki KHvaab men bhi dobara kabhi majaal na ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

darasl maine mashaqqat nahin mohabbat ki hateliyon par nahin mere dil pe chaale hai

baat aisi bhi bhala aap men kya rakkhi hai ik deewane ne zameen sar pe utha rakkhi hai ittifaqan kahiin mil jaa.e to kehna usse tere shaair ne badi dhoom macha rakkhi hai

jo apna hissa bhi auron men baant deta hai ik aise shaKHs ke hisse men aa ga.e the ham

haath vo kal kisi ke haath men tha aur us haath men ghadi thii meri

teri gali ko chhod ke paagal nahin gaya rassi to jal gaii hai magar bal nahin gaya majnoon ki tarah chhodaa nahin main ne shahar ko ya'ni main hijr kaatne jungle nahin gaya