shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

tum mohabbat ko khel kahte ho ham ne barbaad zindagi kar li

ab dost koi laao mukaabil men hamaare dushman to koi kad ke barabar nahin niklaa

baazi badi thii usne mere chashme-tar ke saath aakhir ko haar haar ke barsaat rah gayi

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

main jaata hooñ dil ko tire paas chhode mirii yaad tujh ko dilaata rahega

tar-daamani pe shaikh hamaari na jaaiyo daaman nichod den to farishte wazu karen