pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira

sitam dhhaate hue socha karoge hamaare saath tum aisa karoge angoothi to mujhe lautaa rahe ho angoothi ke nishaan ka kya karoge main tumse ab jhagdta bhi nahin hooñ to kya is baat par jhagda karoge meraa daaman tumheen thaa men hue ho meraa daaman tumheen maila karoge batao vaa'da kar ke aaoge nake pichhli baar ke jaisa karoge vo dulhan ban ke ruksat ho gaii hai kahaan tak car ka peecha karoge mujhe bas yuñ hi tumse poochna tha agar main mar gaya to kya karoge

zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e

mere ashkon ne kaii aankhoñ men jal-thal kar diya ek paagal ne bahut logon ko paagal kar diya apni palkon par saja kar mere aañsu aap ne raaste ki dhool ko aankhoñ ka kaajal kar diya main ne dil de kar use ki thii vafaa ki ibtidaus ne dhoka de ke ye qissa mukammal kar diya ye hawaaein kab nigaahen fer len kis ko khabar shohraton ka takht jab toota to paidal kar diya devataaon aur khudaaon ki lagaaee aag ne dekhte hi dekhte bastii ko jungle kar diya zakham ki soorat nazar aate hain chehron ke nuqoosh ham ne aainon ko tahzeebon ka maqtal kar diya shahar men charcha hai aaKHir aisi ladki kaun hai jis ne achhe-khaase ik sha'ir ko paagal kar diya

shaam ne jab palkon pe aatish-daan liya kuchh yaadon ne chutki men loban liya darwaazon ne apni aañkhen nam kar leen deewaron ne apna seena taan liya pyaas to apni saath samundar jaisi thii naahak ham ne baarish ka ehsaan liya main ne talvon se baandhi thii chaanv magar shaayad mujh ko suraj ne pahchaan liya kitne sukh se dharti odh ke soye hain ham ne apni maa ka kehna maan liya

saath manzil thii magar khauf-o-khatr aisa tha umr-bhar chalte rahe log safar aisa tha jab vo aa.e to main KHush bhi hua sharminda bhi meri taqdeer thii aisi mira ghar aisa tha hifz theen mujh ko bhi chehron ki kitaaben kya kya dil shikasta tha magar tez nazar aisa tha aag odhe tha magar baant raha tha saaya dhoop ke shahar men ik tanhaa shajar aisa tha log KHud apne charaaghon ko bujha kar soye shahar men tez hawaon ka asar aisa tha

ham ne KHud apni rahnumaai ki aur shohrat hui khudaai ki main ne duniya se mujh se duniya ne saikron baar be-vafaaii ki khule rahte hain saare darwaaze koi soorat nahin rihaai ki toot kar ham mile hain pahli baar ye shurua'at hai judaai ki soye rahte hain odh kar KHud ko ab zaroorat nahin razaai ki manzilen choomti hain mere qadam daad deeje shikasta-paai ki zindagi jaise-taise kaatni hai kya bhalaai ki kya buraai ki ishq ke kaarobaar men ham ne jaan de kar badi kamaai ki ab kisi ki zabaan nahin khulti rasm jaarii hai munh-bharaai ki

apne deewar-o-dar se poochte hain ghar ke haalaat ghar se poochte hain kyun akelaa hain qafile waale ek ik hum-safar se poochte hain kya kabhi zindagi bhi dekhenge bas yahii umr-bhar se poochte hain jurm hai KHvaab dekhna bhi kya raat-bhar chashm-e-tar se poochte hain ye mulaqaat aaKHiri to nahin ham judaai ke dar se poochte hain zakham ka naam phool kaise pada tere dast-e-hunar se poochte hain kitne jungle hain in makaanon men bas yahii shahar bhar se poochte hain ye jo deewaar hai ye kis ki hai ham idhar vo udhar se poochte hain hain kaneezen bhi is mahal men kya shah-zaadon ke dar se poochte hain kya kahii qatl ho gaya suraj raat se raat-bhar se poochte hain kaun waaris hai chaanv ka aaKHir dhoop men hum-safar se poochte hain ye kinaare bhi kitne saada hain kashtiyon ko bhanwar se poochte hain vo guzarta to hogaa ab tanhaa ek ik raahguzaar se poochte hain