vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

mujhe udaas kar ga.e ho KHush raho mire mizaaj par ga.e ho KHush raho mire li.e na ruk sake to kya hua jahaan kahiin thehar ga.e ho KHush raho khushi hui hai aaj tum ko dekh kar bahut nikhar sanwar ga.e ho KHush raho udaas ho kisi ki be-vafaaii par vafaa kahiin to kar ga.e ho KHush raho gali men aur log bhi the aashna ha men salaam kar ga.e ho KHush raho tumhein to meri dosti pe naaz tha isee se ab mukar ga.e ho KHush raho kisi ki zindagi bano ki bandagi mire li.e to mar ga.e ho KHush raho

meri taqdeer men jalnaa hai to jal jaaunga teraa vaa'da to nahin hooñ jo badal jaaunga soz bhar do mire sapne men gham-e-ulfat ka main koi mom nahin hooñ jo pighal jaaunga dard kahtaa hai ye ghabra ke shab-e-furqat men aah ban kar tire pahluu se nikal jaaunga mujh ko samjhaao na saahir main ik din KHud hi thokren kha ke mohabbat men sambhal jaaunga

haan ye sach hai ki mohabbat nahin ki dost bas meri tabiyat nahin ki isliye gaanv main sailaab aaya hamne daryaao ki izzat nahin ki jism tak usne mujhe saunp diya dil ne is par bhi kanaayat nahin ki mere e'jaz men rakhi gaii thii maine jis bazm men shirkat nahin ki yaad bhi yaad se rakha us..ko bhool jaane men bhi gafalat nahin ki us..ko dekha tha ajab haalat men phir kabhi uski hifaazat nahin ki ham agar fatah hue hai to kya ishq ne kis pe hukoomat nahin ki

koi bahaana koi kahaanii nahin chalegi mohabbaton men ghalat-bayaani nahin chalegi munaafiqon par vafaa ka tamgha nahin sajega KHaraab kapde pe kaamdaani nahin chalegi ha men ye duniya KHaraab samjhe ye uski marzi magar sabooton se chhedkhani nahin chalegi badon ke naksh-e-qadam pe bacche na chal sakenge puraani patri pe raajdhaani nahin chalegi agar vo apni zari ki saari pahan ke nikli to yaar logon pe sherwaani nahin chalegi vo mahfilein jo baghair ujrat ki khidmatein hain to kya vahaañ bhi ghazal puraani nahin chalegi bahut ziyaada bhi mutmain mat dikhaai dena bichhadte lamhon men shaadwaani nahin chalegi

ulte seedhe sapne pale baithe hain sab paani men kaanta dale baithe hain ik beemaar vasiyat karne vaala hai rishte naate jeebh nikale baithe hain abhii na jaane kitna hansna rona hai abhii to hamse pahle waale baithe hain sahab-zaada pichhli raat se ghaayab hai ghar ke andar rishte waale baithe hain andar dori toot rahi hai saanson ki baahar beema karne waale baithe hain

log kahte hain ki is khel men sar jaate hain ishq men itnaa khasaara hai to ghar jaate hain maut ko ham ne kabhi kuchh nahin samjha magar aaj apne bacchon ki taraf dekh ke dar jaate hain zindagi aise bhi haalaat banaa deti hai log saanson ka kafan odh ke mar jaate hain paanv men ab koi zanjeer nahin daalte ham dil jidhar theek samajhta hai udhar jaate hain kya junoon-khez masafat thii tire kooche ki aur ab yuñ hai ki KHaamosh guzar jaate hain ye mohabbat ki alaamat to nahin hai koi teraa chehra nazar aata hai jidhar jaate hain

ashk peene ke li.e KHaak udaane ke li.e ab mire paas khazana hai lutaane ke li.e aisi daf'a na laga jis men zamaanat mil jaa.e mire kirdaar ko chun apne nishaane ke li.e kin zameenon pe utaaroge ab imdaad ka qahr kaun sa shahar ujaadoge basaane ke li.e main ne haathon se bujhaai hai dahakti hui aag apne bacche ke khilaune ko bachaane ke li.e ho gaii hai mirii ujadi hui duniya aabaad main use Dhoondh raha hooñ ye bataane ke li.e nafratein bechne waalon ki bhi majboori hai maal to chahiye dookaan chalaane ke li.e jee to kahtaa hai ki bistar se na utaroon kaii roz ghar men samaan to ho baith ke khaane ke li.e

bastii chhod ke jaane waale achchhe lagte hain kuchh logon ko kundi taale achchhe lagte hain aam ravish se hatkar chalne waale zindabaad ulte haath se likhne waale achchhe lagte hain mere paanv nahin padte unchi dukaanon par mujh...ko redi patri waale achchhe lagte hain