aurat huun magar surat-e-kohsar khadi huun ik sach ke tahaffuz ke liye sab se ladi huun vo mujh se sitaron ka pata puchh raha hai patthar ki tarah jis ki anguthi men jadi huun alfaz na avaz na hamraz na dam-saz ye kaise dorahe pe main khamosh khadi huun is dasht-e-bala men na samajh khud ko akela main chob ki surat tire kheme men gadi huun phulon pe barasti huun kabhi surat-e-shabnam badli hui rut men kabhi savan ki jhadi huun aurat hun magar surat-e-kohsar khadi hun ek sach ke tahaffuz ke liye sab se ladi hun wo mujh se sitaron ka pata puchh raha hai patthar ki tarah jis ki anguthi mein jadi hun alfaz na aawaz na hamraaz na dam-saz ye kaise dorahe pe main khamosh khadi hun is dasht-e-bala mein na samajh khud ko akela main chob ki surat tere kheme mein gadi hun phulon pe barasti hun kabhi surat-e-shabnam badli hui rut mein kabhi sawan ki jhadi hun
Related Ghazal
kya ghalatfahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin jaane kaise raaz seene men li.e baitha hai vo zahr kha leta hai par munh se ugalta kuchh nahin shukr hai ki usne mujhse kah diya ki kuchh to hai main usse kehne hi vaala tha ki achha kuchh nahin
Tehzeeb Hafi
105 likes
vo to achha hai ghazal teraa sahaara hai mujhe warna fikron ne to bas gher ke maara hai mujhe jiski tasveer main kaagaz pe banaa bhi na sakaa usne mehn dii se hatheli pe utaara hai mujhe ghair ke haath se marham mujhe manzoor nahin tum magar zakham bhi de do to gawara hai mujhe
Abrar Kashif
54 likes
nahin tha apna magar phir bhi apna apna laga kisi se mil ke bahut der baad achha laga tumhein laga tha main mar jaaunga tumhaare baghair batao phir tumhein meraa mazaak kaisa laga tijoriyon pe nazar aur log rakhte hain main aasmaan chura loonga jab bhi mauqa laga dikhaati hai bharii almaariyaan bade dil se bataati hai ki mohabbat men kiska kitna laga
Tehzeeb Hafi
94 likes
sach bataayen to sharm aati hai aur chhupaayein to sharm aati hai ham pe ehsaan hain udaasi ke muskuraayein to sharm aati hai haar ki aisi aadaten hain ha men jeet jaayen to sharm aati hai uske aage hi uskaa bakhsha hua sar uthaaye to sharm aati hai aish aukaat se zyaada ki ab kamaayein to sharm aati hai dhamkiyaan khudkushi ki dete hain kar na paa.e to sharm aati hai
Varun Anand
36 likes
sar jhukaoge to patthar devta ho jaayega itnaa mat chaaho use vo be-vafa ho jaayega ham bhi dariyaa hain ha men apna hunar maaloom hai jis taraf bhi chal padenge raasta ho jaayega kitnii sachchaai se mujh se zindagi ne kah diya tu nahin meraa to koi doosra ho jaayega main KHuda ka naam le kar pee raha hooñ dosto zahar bhi is men agar hogaa davaa ho jaayega sab usii ke hain hawa KHushboo zameen o aasmaañ main jahaan bhi jaaunga us ko pata ho jaayega
Bashir Badr
43 likes
Similar Writers
Our suggestions based on Farhat Zahid.
Similar Moods
More moods that pair well with Farhat Zahid's ghazal.