yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

tumhein bas yah bat aanaa chahta hooñ main tumse kya chhup aanaa chahta hooñ kabhi mujhse bhi koi jhooth bolo main haan men haan mil aanaa chahta hooñ adaakaari bada dukh de rahi hai main sachmuch muskurana chahta hooñ ameeri ishq ki tumko mubarak main bas kh aanaa kam aanaa chahta hooñ main saare shahar ki baisakhiyon ko tere dar par nachana chahta hooñ mujhe tumse bichadna hi padega main tumko yaad aanaa chahta hooñ

ada-e-ishq hooñ poori ana ke saath hooñ main KHud apne saath hooñ ya'ni KHuda ke saath hooñ main mujavaraan-e-hawas tang hain ki yuñ kaise baghair sharm-o-haya bhi haya ke saath hooñ main safar shuruat to hone de apne saath mira tu KHud kahega ye kaisi bala ke saath hooñ main main choo gaya to tira rang kaat daaloonga so apne aap se tujh ko bacha ke saath hooñ main durood-bar-dil-e-wahshi salaam-bar-tap-e-ishq KHud apni hamd KHud apni sana ke saath hooñ main yahii to farq hai mere aur un ke hal ke beech shikaayaten hain unhen aur raza ke saath hooñ main main awwaleen ki izzat men aakhireen ka noor vo intiha hooñ ki har ibtida ke saath hooñ main dikhaai doon bhi to kaise sunaai doon bhi to kyun wara-e-naqsh-o-nawa hooñ fana ke saath hooñ main b-hukm-e-yaar love kabz karne aati hai bujha rahi hai bujaaye hawa ke saath hooñ main ye saabireen-e-mohabbat ye kaashifeen-e-junoon inhi ke sang inheen auliya ke saath hooñ main kisi ke saath nahin hooñ magar jamaal-e-ilaaha tiri qism tire har mubtala ke saath hooñ main zamaane bhar ko pata hai main kis tariq pe hooñ sabhi ko ilm hai kis dil-ruba ke saath hooñ main munaafiqeen-e-tasavvuf ki maut hooñ main ali har ik aseel har ik be-riya ke saath hooñ main

us mohalle ke sab gharo kii khair aur gharo men jale diyon kii khair maa main qurbaan tere ghusse par baba jaani kii jhidkiyon kii khair tere ham-khwaab doston ke nisaar teri ham-naam ladkiyon kii khair jo tere khud-o-khaal par honge tere beton kii betiyon kii khair jin ka sardaar o peshwa men hooñ tere haatho pooche huoon kii khair tooti-footi likhaai ke sadke pahli pahli mohabbaton kii khair dushmanon ke li.e duaa ya'ni teri jaanib ke doston kii khair facebook se jo door baithe hain un fakeeron kii baithkon kii khair car men baagh khil gayaa jaise gul-badan teri khushbuon kii khair vo jo seenon pe das ke hansati hai un havasnaak naginon kii khair

charaagahein nai aabaad hogii magar jo bastiyaan barbaad hogii KHuda miTTi ko phir se hukm dega kaii shaklein nai ijaad hogii abhii mumkin nahin lekin ye hogaa kitaaben sahib-e-aulaad hogii main un aankhoñ ko padhkar sochta hoon ye naz men kis tarah se yaad hogii ye pariyaan phir nahin aayegi milne ye ghazlein phir nahin irshaad hogii main dartaa hoon ali un aadaton se ke jo mujh...ko tumhaare baad hogii

tere aage sar-kashi dikhlaaoonga tu to jo kah de vahii ban jaaunga ai zaboori phool ai neele gulaab mat KHafaa ho main dobara aaunga saath sadiyaan saath raatein saath din ik paheli hai kise samjhaaoonga yaar ho jaa.e sahi tujh se mujhe tere qabze se tujhe chhudvaaoonga tum bahut ma'soom ladki ho tumhein nazm bhejoonga dua pahnaaoonga koi dariyaa hai na jungle aur na baagh main yahaañ bilkul nahin rah paaooñga yaad karvaaoonga tujh ko tere zakham teri saari ne'ematein ginvaaoonga chhodna us ke li.e mushkil na ho mujh se mat kehna main ye kar jaaunga main ali'-zaryoon hooñ kaafi hai ye main zafar-iqbaal kyun ban jaaunga

jaagna aur jaga ke so jaana raat ko din banaa ke so jaana text karna tamaam raat us..ko ungliyon ko daba ke so jaana aaj phir der se ghar aaya hoon aaj phir munh banaa ke so jaana