vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

tumhein bas yah bat aanaa chahta hooñ main tumse kya chhup aanaa chahta hooñ kabhi mujhse bhi koi jhooth bolo main haan men haan mil aanaa chahta hooñ adaakaari bada dukh de rahi hai main sachmuch muskurana chahta hooñ ameeri ishq ki tumko mubarak main bas kh aanaa kam aanaa chahta hooñ main saare shahar ki baisakhiyon ko tere dar par nachana chahta hooñ mujhe tumse bichadna hi padega main tumko yaad aanaa chahta hooñ

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

ye maana us taraf rastaa na jaa.e magar phir bhi mujhe roka na jaa.e badal sakti hai rukh tasveer apna kuchh itne ghaur se dekha na jaa.e uljhane ke li.e sau uljhane hain bas apne aap se uljha na jaa.e iraada waapsi ka ho agar to bahut gehraai men utara na jaa.e hamaari arz bas itni hai daanish udaasi ka sabab poocha na jaa.e

koi kaanta na ho gulaabon men aisa mumkin hai sirf KHvaabon men dil ko kaise qaraar aata hai ye likha hi nahin kitaabon men itne seedhe sawaal the mere vo uljhta gaya jawaabon men main hi uskaa ghuroor tha daanish aur mujhi ko rakha kharaabon men

ham apne dukh ko gaane lag ga.e hain magar is men zamaane lag ga.e hain kisi ki tarbiyat ka hai karishma ye aañsu muskuraane lag ga.e hain kahaanii rukh badalna chahti hai naye kirdaar aane lag ga.e hain ye haasil hai mirii KHaamoshiyon ka ki patthar aazmaane lag ga.e hain ye mumkin hai kisi din tum bhi aao parinde aane jaane lag ga.e hain jinhen ham manzilon tak le ke aa.e vahii rastaa bataane lag ga.e hain sharaafat rang dikhlaati hai daanish kaii dushman thikaane lag ga.e hain

koi ye laakh kahe mere banaane se mila har naya rang zamaane ko purane se mila fikr har baar KHamoshii se mili hai mujh ko aur zamaana ye mujhe shor machaane se mila us ki taqdeer andheron ne likhi thii shaayad vo ujaala jo charaaghon ko bujhaane se mila poochte kya ho mila kaise ye jungle ko tilism chaanv men dhoop ki rangat ko milaane se mila aur logon se mulaqaat kahaan mumkin thii vo to KHud se bhi mila hai to bahaane se mila meri tashkeel to kuchh aur hui thii daanish ye naya naqsh mujhe KHud ko mitaane se mila

tum apne aap par ehsaan kyun nahin karte kiya hai ishq to elaan kyun nahin karte sajaaye firte ho mehfil na jaane kis kis ki kabhi parindon ko mehmaan kyun nahin karte vo dekhte hi nahin jo hai manzaron se alag kabhi nigaah ko hairaan kyun nahin karte puraani samton men chalne ki sab ko aadat hai nayi dishaon ka vo dhyaan kyun nahin karte bas ik charaaghh ke bujhne se bujh ga.e daanish tum aandhiyon ko pareshaan kyun nahin karte