vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

mujhe na maangti to bolti KHuda do mujhe bacha liya hai gunaah se tumhein dua do mujhe ye log dekh rahen hain meri chamak men tumhein kahii akelaa jalana abhii bujha do mujhe mujhe kisi se muhabbat nahin tumhaare siva tumhein kisi se muhabbat hai to bataa do mujhe

vo jo meri taabkaari men pighalne lag gaya jo sitaara bhi nahin tha vo bhi jalne lag gaya khoobsurat auraton ne kar dii beenaai ata aankh malne vaala aaKHir haath malne lag gaya doosra paanv nahin rakhne diya maine use pehla paanv rakhte hi chashma ubalne lag gaya

teri tasveer moattal nahin hoti mere dost varna deewaar to paagal nahin hoti mere dost ishq men jeet muqaddar se hai mehnat se nahin aise khelon men rehersal nahin hoti mere dost usne bechaini bhi bakshi hai badi mushkil se aur bechaini musalsal nahin hoti mere dost

bistar ko jhatkna padta hai kapdo ko badalna padta hai logon ko basar karne ke li.e kamron se nikalna padta hai ham un baagon men khilte hai jin baagon men khushboo ke li.e phoolon ko uchkana padta hai,कलियों ko masalna padta hai pahli ko bhulaane ke li.e doosri aurat laai jaati hai ik zahr ugalne ke li.e doosra zahr nigalna padta hai vo roz kahii se zakhami ho kar aa jaati hai aur mujhe kutto ko hatkana padta hai keeron ko kuchalna padta hai main pal men uske jism ki sair se faariq ho jaata hooñ magar mujhe is raftaar ko haasil karne ke li.e jalnaa padta hai shaadaab guzargaahon pe tere kaanto ki tijaarat hoti hai veeraan guzargaahon pe meri aankhoñ ko chhalakna padta hai taakheer se lautne waalon ki takleef bhi dohri hoti hai haathon ko bhi malna padta hai baahon ko bhi malna padta hai

hamaara dil jab nahin laga to sawaal paida hua lagega javaab men hamne kah diya theek hai magar aur kya lagega yuhi kabhi teer choom kar vo meri taraf chhod de kamaan se meraa muqaddar to is tarah ka hai teer dushman ko ja lagega ki dost aise muaashre men muaashqa chahte hain mujhse main jis men thappad bhi khaana chaahoon to vo bhi burke men aa lagega hamaara naqsha kirayaa mehnat dimaag lagta hai raaston par tumhaari to insey dosti hai tumhaara to shukriya lagega mushaayaron men ghazal nahin log sirf huliyo ko dekhte hain meraa bhi ek dost hai jo hansne ke baad john alia lagega