vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka

teri tasveer moattal nahin hoti mere dost varna deewaar to paagal nahin hoti mere dost ishq men jeet muqaddar se hai mehnat se nahin aise khelon men rehersal nahin hoti mere dost usne bechaini bhi bakshi hai badi mushkil se aur bechaini musalsal nahin hoti mere dost

mujhe na maangti to bolti KHuda do mujhe bacha liya hai gunaah se tumhein dua do mujhe ye log dekh rahen hain meri chamak men tumhein kahii akelaa jalana abhii bujha do mujhe mujhe kisi se muhabbat nahin tumhaare siva tumhein kisi se muhabbat hai to bataa do mujhe

hamaara dil jab nahin laga to sawaal paida hua lagega javaab men hamne kah diya theek hai magar aur kya lagega yuhi kabhi teer choom kar vo meri taraf chhod de kamaan se meraa muqaddar to is tarah ka hai teer dushman ko ja lagega ki dost aise muaashre men muaashqa chahte hain mujhse main jis men thappad bhi khaana chaahoon to vo bhi burke men aa lagega hamaara naqsha kirayaa mehnat dimaag lagta hai raaston par tumhaari to insey dosti hai tumhaara to shukriya lagega mushaayaron men ghazal nahin log sirf huliyo ko dekhte hain meraa bhi ek dost hai jo hansne ke baad john alia lagega

kisko roshan banaa rahe ho tum itnaa jo bujhte ja rahe ho tum phool kisne qubool karne hain jab talak muskuraa rahe ho tum log paagal banaaye ja chuke hain ab naya kya banaa rahe ho tum gaav ki jhaadiyaan bataa raheen hain shahr men gul khila rahe ho tum aur kisne tumhein nahin dekha aur kiske KHuda rahe ho tum

duniya mere KHilaaf thii tu bhi KHilaaf hai ye sach nahin hai hai to mujhe ikhtilaaf hai jo bhi kare jahaan bhi kare jis tarah kare us..ko meri taraf se sabhi kuchh muaaf hai bheege hue hai daaman-o-roomaal-o-aasteen haalanki aasmaan pe matla bhi saaf hai awaaz hi sooni na ho jis shaKHs ne kabhi uske li.e main jo bhi kahooñ inkishaaf hai badnaam ho gaya hooñ mohabbat men naam par muzdam ye meraa sabse badaa eitraaf hai