yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

teri mushkil na badaaunga chala jaaunga ashk aankhoñ men chhupaaunga chala jaaunga apni dahleez pe kuchh der pada rahne de jaise hi hosh men aaunga chala jaaunga KHvaab lene koi aa.e ki na aa.e koi main to awaaz lagaauñga chala jaaunga chand yaaden mujhe bacchon ki tarah pyaari hain unko seene se lagaauñga chala jaaunga muddaton baad main aaya hooñ purane ghar men KHud ko jee bhar ke rulaaunga chala jaaunga is jazeera men ziyaada nahin rahna ab to aajkal naav banaoonga chala jaaunga mausam-e-gul ki tarah laut ke aaunga hasan har taraf phool khilaaoonga chala jaaunga

itnaa majboor na kar baat banaane lag jaayen ham tere sar kii qasam jhooth hi khaane lag jaayen itne sannaate pi.e meri sama'at ne ki ab sirf aavaaz pe chaahoon to nishaane lag jaayen chaliye kuchh aur nahin aah-shumaarii hi sahi ham kisi kaam to is dil ke bahaane lag jaayen ham vo gum-gasht-e-mohabbat hain ki tum to kya ho khud ko ham dhoondhne niklen to zamaane lag jaayen khvaab kuchh aise dikhaaye hain faqiri ne mujhe jin kii ta'beer men shahon ke khazaane lag jaayen main agar apni jawaani ke suna doon qisse ye jo launde hain mire paanv dabane lag jaayen

is tarah se na aajmao mujhe uski tasveer mat dikhaao mujhe ain mumkin hai main palat aaun uski aawaaz men bulao mujhe maine bola tha yaad mat aanaa jhooth bola tha yaad aao mujhe

hai noor-e-khuda bhi yahaañ irfaan-e-khuda bhi ye zaat ki hai waadi-e-seena bhi hiraa bhi us ban men kiya karti hai tap mirii ana bhi is shahar men hai kaar-gah-e-arz-o-samaa bhi karta hooñ tawaaf apna to milti hai nayi raah qibla bhi hai ye zaat mira qibla-numaa bhi khud-aagahi o khud-nigaahi ka hai ye ina'am aur jurm-e-shanaasaai-e-aalam ki saza bhi hota hai shab-o-roz tamasha sar-e-ehsaas jo dekhti rahtii hai mirii aankh dikha bhi karti hai kamar-basta safar par bhi yahii zaat jab door nikal jaata hooñ deti hai sadaa bhi zarre men hai kaunain to kaunain men zarra kuchh hai tujhe aawaara-e-aflaak pata bhi

arz-e-muddaa karte kyun nahin kiya ham ne khwahishon ko hasrat men KHud badal diya ham ne nit nayi umeedon ke taank taank kar paivand zindagi ke daaman ko umr-bhar siya ham ne ranj-o-gham uthaaye hain fikr-o-fan bhi paa.e hain zindagi ko jitna bhi jee sake jiya ham ne subh ka naya suraj kuchh to raushni lega shaam se jalaya hai aas ka diya ham ne daag-e-dil ki zardaari muft haath kab aayi KHaak ho ke paaya hai raaz-e-keemiya ham ne

main bhi kab se chup baitha hooñ vo bhi kab se chup bai thii hai ye hai visaal ki rasm anokhi ye milne ki reet nayi hai vo jab mujh ko dekh rahi thii main ne us ko dekh liya tha bas itni si baat thii lekin badhte badhte kitne badhi hai be-soorat be-jism aawaazen andar bhej rahi hain hawaaein band hain kamre ke darwaaze lekin khidki khulii hui hai mere ghar ki chat ke u uupar suraj aaya chaand bhi utara chat ke neeche ke kamron ki jaisi thii auqaat vahii hai

main hawa hooñ kahaan watan meraa dasht meraa na ye chaman meraa main ki har chand ek khana-nasheen anjuman anjuman sukhun meraa burg-e-gul par charaaghh sa kya hai choo gaya tha use dehan meraa main ki toota hua sitaara hooñ kya bigaadegee anjuman meraa har ghadi ik naya taqaza hai dard-e-sar ban gaya badan meraa