kya zaroori hai muhabbat men tamasha hona jisse milnaa hi nahin usse juda kya hona zinda hona to nahin hijr men zinda hona ham ise kahte hain hone ke alaava hona teraa suraj ke qabeele se talluq to nahin ye kahaan se tujhe aaya hai sabhi ka hona tune aane men bahut der laga dii varna main nahin chahta tha hijr men boodha hona kya tamasha hai ki sab mujh...ko bura kahte hain aur sab chahte hain meri tarah ka hona

arz-e-alam b-tarz-e-tamaasha bhi chahiye duniya ko haal hi nahin huliya bhi chahiye ai dil kisi bhi tarah mujhe dastiyaab kar jitna bhi chahiye use jaisa bhi chahiye dukh aisa chahiye ki musalsal rahe mujhe aur us ke saath saath anokha bhi chahiye ik zakham mujh ko chahiye mere mizaaj ka ya'ni haraa bhi chahiye gahra bhi chahiye ik aisa wasf chahiye jo sirf mujh men ho aur us men phir mujhe yad-e-toola bhi chahiye rabb-e-sukhan mujhe tiri yaktaai ki qasam ab koi sun ke bolne vaala bhi chahiye kya hai jo ho gaya hooñ main thoda bahut KHaraab thoda bahut KHaraab to hona bhi chahiye hansne ko sirf hont hi kaafi nahin rahe javvaad-shaikh ab to kaleja bhi chahiye

kya dukh hai samundar ko bataa bhi nahin saka aañsu ki tarah aankh tak aa bhi nahin saka tu chhod raha hai to KHataa is men tiri kya har shaKHs mira saath nibha bhi nahin saka pyaase rahe jaate hain zamaane ke savaalaat kis ke li.e zinda hooñ bataa bhi nahin saka ghar dhundh rahe hain mira raaton ke pu jaarii main hooñ ki charaaghon ko bujha bhi nahin saka vaise to ik aañsu hi baha kar mujhe le jaa.e aise koi toofaan hila bhi nahin saka

ham jee rahe hain koi bahaana ki.e baghairus ke baghair us ki tamannaa ki.e baghair ambaar us ka parda-e-hurmat banaa miyaan deewaar tak nahin giri parda ki.e baghair yaaraan vo jo hai miraa maseeha-e-jaan-o-dil be-had aziz hai mujhe achha ki.e baghair main bistar-e-khayaal pe leta hooñ us ke paas subh-e-azl se koi taqaza ki.e baghair us ka hai jo bhi kuchh hai miraa aur main magar vo mujh ko chahiye koi sauda ki.e baghair ye zindagi jo hai use maana bhi chahiye vaa'da ha men qubool hai ifa ki.e baghair ai qaatilon ke shahar bas itni hi arz hai main hooñ na qatl koi tamasha ki.e baghair murshid ke jhooth ki to saza be-hisaab hai tum chhodio na shahar ko sehra ki.e baghair un aangaanon men kitna sukoon o suroor tha aaraish-e-nazar tiri parwa ki.e baghair yaaraan khusa ye roz o shab-e-dil ki ab ha men sab kuchh hai khush-gawaar gawara ki.e baghair giryaa-kunaan ki fard men apna nahin hai naam ham giryaa-kun azal ke hain giryaa ki.e baghair aaKHir hain kaun log jo bakshe hi jaayenge taarikh ke haraam se tauba ki.e baghair vo sunni bachcha kaun tha jis ki jafaa ne jaun shiaa banaa diya ha men shiaa ki.e baghair ab tum kabhi na aaoge ya'ni kabhi kabhi ruksat karo mujhe koi vaa'da ki.e baghair

shaahsaazi men riayaat bhi nahin karte ho saamne aake hukoomat bhi nahin karte ho tumse kya baat kare kaun kahaan qatl hua tum to is zulm pe hairat bhi nahin karte ho ab mere haal pe kyuuñ tumko pareshaani hai ab to tum mujhse muhabbat bhi nahin karte ho pyaar karne ki sanad kaise tumhe jaarii karoon tum abhii theek se nafrat bhi nahin karte ho mashvare hañs ke diya karte the deewaanon ko kya hua ab to naseehat bhi nahin karte ho

kya vo ab naadim hain apne jaur ki roodaad se laaye hain meerut jo aaKHir mujh ko faizaabaad se sair-e-gul ko aayi thii jis dam sawaari aap ki phool utha tha chaman fakhr-e-mubaarakbaad se har kas-o-na-kas ho kyunkar kaamgaar-e-be-khu dii ye hunar seekha hai dil ne ik bade ustaad se ik jahaan mast-e-mohabbat hai ki har soo b-e-uns chhaai hai un gesuon ki nikhat-e-barbaad se ab talak maujood hai kuchh kuchh laga laaye the ham vo jo ik lapka kabhi na khaak-e-jahaan aabaad se daava-e-taqva ka hasrat kis ko aata hai yaqeen aap aur jaate rahen peer-e-mugaan ki yaad se

aur bhi ho ga.e begaana vo ghaflat kar ke aazmaaya jo unhen zabt-e-mohabbat kar ke dil ne chhodaa hai na chhode tire milne ka khayal baar-ha dekh liya ham ne malaamat kar ke dekhne aa.e the vo apni mohabbat ka asar kehne ko ye hai ki aa.e hain ayaadat kar ke pasti-e-hausla-e-shauq ki ab hai ye salaah baith rahiye gham-e-hijraan pe qanaat kar ke dil ne paaya hai mohabbat ka ye aali rutba aap ke dard-e-dawaakaar ki khidmat kar ke rooh ne paai hai takleef-e-judaai se najaat aap ki yaad ko sarmaaya-e-raahat kar ke chhed se ab vo ye kahte hain ki sambhalon hasrat sabr o taab-e-dil-e-beemaar ko gharaat kar ke

aasaan-e-haqeeqi hai na kuchh sahl-e-majaazi maaloom hui raah-e-mohabbat ki daraazi kuchh lutf o nazar laazim o malzoom nahin hain ik ye bhi tamannaa ki na ho shobda baazi dil khoob samajhta hai tire harf-e-karam ko har-chand vo urdu hai na turki hai na taazi qaaim hai na vo husn-e-rukh-e-yaar ka aalam baaki hai na vo shauq ki hangaama-nawaazi ai ishq tiri fateh bahr-haal hai saabit mar kar bhi shaheedaan-e-mohabbat hue ghaazi kar jald ha men khatm kahii ai gham-e-jaanaan kaam aayegi kis roz tiri seena-gudaazi maaloom hai duniya ko ye hasrat ki haqeeqat khilwat men vo may-khwaar hai jalvat men namaazi

vo chup ho ga.e mujh se kya kahte kahte ki dil rah gaya muddaa kahte kahte mira ishq bhi khud-gharz ho chala hai tire husn ko be-vafa kahte kahte shab-e-gham kis aaraam se so ga.e hain fasana tiri yaad ka kahte kahte ye kya pad gaii khoo-e-dushnaam tum ko mujhe na-sazaa barmala kahte kahte khabar un ko ab tak nahin mar mite ham dil-e-zaar ka maajra kahte kahte ajab kya jo hai bad-gumaan sab se waiz bura sunte sunte bura kahte kahte vo aa.e magar aa.e kis vaqt hasrat ki ham chal base marhaba kahte kahte

dekhna bhi to unhen door se dekha karna shewa-e-ishq nahin husn ko rusva karna ik nazar bhi tiri kaafi thii p-e-rahat-e-jaan kuchh bhi dushwaar na tha mujh ko shakeba karna un ko yaa vaade pe aa lene de ai abr-e-bahaar jis qadar chaahna phir baad men barsa karna shaam ho ya ki sehar yaad unhin ki rakhni din ho ya raat ha men zikr unhin ka karna saum zaahid ko mubarak rahe aabid ko salaath aasiyon ko tiri rahmat pe bharosa karna aashiqo husn-e-jafaakaar ka shikwa hai gunaah tum khabardaar khabardaar na aisa karna kuchh samajh men nahin aata ki ye kya hai hasrat un se mil kar bhi na izhaar-e-tamannaa karna