ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

teri mushkil na badaaunga chala jaaunga ashk aankhoñ men chhupaaunga chala jaaunga apni dahleez pe kuchh der pada rahne de jaise hi hosh men aaunga chala jaaunga KHvaab lene koi aa.e ki na aa.e koi main to awaaz lagaauñga chala jaaunga chand yaaden mujhe bacchon ki tarah pyaari hain unko seene se lagaauñga chala jaaunga muddaton baad main aaya hooñ purane ghar men KHud ko jee bhar ke rulaaunga chala jaaunga is jazeera men ziyaada nahin rahna ab to aajkal naav banaoonga chala jaaunga mausam-e-gul ki tarah laut ke aaunga hasan har taraf phool khilaaoonga chala jaaunga

itnaa majboor na kar baat banaane lag jaayen ham tere sar kii qasam jhooth hi khaane lag jaayen itne sannaate pi.e meri sama'at ne ki ab sirf aavaaz pe chaahoon to nishaane lag jaayen chaliye kuchh aur nahin aah-shumaarii hi sahi ham kisi kaam to is dil ke bahaane lag jaayen ham vo gum-gasht-e-mohabbat hain ki tum to kya ho khud ko ham dhoondhne niklen to zamaane lag jaayen khvaab kuchh aise dikhaaye hain faqiri ne mujhe jin kii ta'beer men shahon ke khazaane lag jaayen main agar apni jawaani ke suna doon qisse ye jo launde hain mire paanv dabane lag jaayen

baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin ahad-e-wafaa se kis li.e khaif ho meri jaan kar lo ki tum ne ahd nibh aanaa to hai nahin vo jo ha men aziz hai kaisa hai kaun hai kyun poochte ho ham ne bat aanaa to hai nahin duniya ham ahl-e-ishq pe kyun fenkti hai jaal ham ne tire fareb men aanaa to hai nahin vo ishq to karega magar dekh bhaal ke faris vo tere jaisa deewana to hai nahin

tum haqeeqat nahin ho hasrat ho jo mile KHvaab men vo daulat ho tum ho KHushboo ke KHvaab ki KHushboo aur itne hi bemuravvat ho kis tarah chhod doon tumhein jaanaan tum meri zindagi ki aadat ho kislie dekhte ho aaina tum to KHud se bhi khoobsurat ho dastaan khatm hone waali hai tum meri aakhiri muhabbat ho

raun dii hui hai kaukaba-e-shahriyaar ki itr aa.e kyun na KHaak sar-e-rahguzaar ki jab us ke dekhne ke li.e aayen baadshaah logon men kyun numood na ho laala-zaar ki bhooke nahin hain sair-e-gulistaan ke ham wale kyunkar na khaaiye ki hawa hai bahaar ki

raftaar-e-umr qat-e-rah-e-iztiraab hai is saal ke hisaab ko barq aftaab hai meena-e-may hai sarv nashaat-e-bahaar se baal-e-tadarrav jalwa-e-mauj-e-sharaab hai zakhmi hua hai paashnaa pa-e-sabaat ka ne bhaagne ki goon na iqaamat ki taab hai jaadaad-e-baada-noshi-e-rindaan hai shash-jihat ghaafil gumaan kare hai ki geeti KHaraab hai naz zaraa kya hareef ho us barq-e-husn ka josh-e-bahaar jalwe ko jis ke naqaab hai main na-muraad dil ki tasalli ko kya karoon maana ki tere rukh se nigah kaamyaab hai guzra asad masarrat-e-paighaam-e-yaar se qaasid pe mujh ko rashk-e-sawaal-o-jawaab hai zaahir hai tarz-e-qaid se sayyaad ki garz jo daana daam men hai so ashk-e-kabaab hai be-chashm-e-dil na kar havas-e-sair-e-laala-zaar ya'ni ye har varq warq-e-intikhaab hai

hasad se dil agar afsurda hai garm-e-tamaasha ho ki chashm-e-tang shaayad kasrat-e-nazzaara se vaa ho ba-qadr-e-hasrat-e-dil chahiye zauq-e-maasi bhi bharoon yak-gosha-e-daaman gar aab-e-haft-dariya ho agar vo sarv-qad garm-e-khiraam-e-naaz aa jaave kaf-e-har-khaak-e-gulshan shakl-e-qumri naala-farsa ho bahm baalidan-e-sang-o-gul-e-sehra ye chahe hai ki taar-e-jaada bhi kohsaar ko zunnaar-e-meena ho hareef-e-vahshat-e-naaz-e-naseem-e-ishq jab aaun ki misl-e-ghuncha saaz-e-yak-gulistaan dil muhayya ho bajaae daana khirman yak-bayaabaan baiza-e-qumri mira haasil vo nuskha hai ki jis se KHaak paida ho kare kya saaz-e-beenish vo shaheed-e-dard-aagaahi jise moo-e-dimaag-e-be-khu dii khwaab-e-zulekha ho dil-e-joo'n-sham'a behr-e-daawat-e-nazzaara laa yaanii nigah labreiz-e-ashk o seena maamoor-e-tamanna ho na dekhen roo-e-yak-dil sard ghair-az sham-e-kaafoori khudaaya is qadar bazm-e-'asad garm-e-tamaasha ho

juz qais aur koi na aaya b-roo-e-kaar sehra magar b-tangi-e-chashm-e-hasood tha aashuftagi ne naqsh-e-suweida kiya durust zaahir hua ki daagh ka sarmaaya dood tha tha KHvaab men khayal ko tujh se mua'amla jab aankh khul gaii na ziyaan tha na sood tha leta hooñ maktab-e-gham-e-dil men sabq hanooz lekin yahii ki raft gaya aur bood tha dhaanpa kafan ne daagh-e-uyuub-e-barhangee main warna har libaas men nang-e-wujood tha teshe baghair mar na sakaa kohkan asad sargashta-e-khumaar-e-rusoom-o-quyood tha aalam jahaan b-arz-e-bisaat-e-wujood tha jun subh chaak-e-jeb mujhe taar-o-pood tha baazi-khur-e-fareb hai ahl-e-nazar ka zauq hangaama garm-e-hairat-e-bood-o-nabood tha aalam tilism-e-shehr-e-khamoshi hai sar-basar ya main ghareeb-e-kishwar-e-guft-o-shunood tha tangi rafeeq-e-rah thii adam ya vujood tha meraa safar b-taala-e-chashm-e-hasood tha tu yak-jahaan qamaash-e-hawas jama kar ki main hairat-mataa-e-aalam-e-nuqsaan-o-sood tha gardish-muheet-e-zulm raha jis qadar falak main paayemaal-e-ghamzaa-e-chashm-e-kabood tha poocha tha garche yaar ne ahwaal-e-dil magar kis ko dimaagh-e-minnat-e-guft-o-shunood tha khur shabnam-aashnaa na hua warna main asad sar-ta-qadam guzaarish-e-zauq-e-sujuud tha

hareef-e-matlab-e-mushkil nahin fusoon-e-niyaaz dua qubool ho ya rab ki umr-e-khizr daraaz na ho ba-harza biyaabaan-navard-e-vahm-e-wujood hanooz tere tasavvur men hai nasheb-o-faraz visaal jalwa tamasha hai par dimaagh kahaan ki deeje aaina-e-intezaar ko pardaz har ek zarra-e-aashiq hai aftaab-parast gaii na KHaak hue par hawa-e-jalwa-e-naaz na pooch wusaat-e-may-khaana-e-junoon ghalib jahaan ye kaasa-e-gardoon hai ek khaak-andaaz fareb-e-sanat-e-ijaad ka tamasha dekh nigaah aks-farosh o khayal aaina-saaz zi-bas-ki jalwa-e-sayyaad hairat-aara hai udri hai safha-e-khaatir se soorat-e-parwaaz hujoom-e-fikr se dil misl-e-mauj larze hai ki sheesha naazuk o sahba-e-aabgeen-gudaaz asad se tark-e-wafa ka gumaan vo maani hai ki kheenchiye par-e-taair se soorat-e-parwaaz hanooz ai asar-e-deed nang-e-ruswaai nigaah fitna-khiraam o dar-e-do-aalam baaz