haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

khaali baithe ho to ik kaam meraa kar do naa mujh ko achha sa koii zaKHm ada kar do naa dhyaan se panchiyo ko dete ho daana paani itne achchhe ho to pinjare se rihaa kar do naa jab qareeb aa hi ga.e ho to udaasi kaisi jab diya de hi rahe ho to jala kar do naa

aap jaison ke li.e is men rakha kuchh bhi nahin lekin aisa to na kahiye ki vafaa kuchh bhi nahin aap kahiye to nibhaate chale jaayenge magar is ta'alluq men aziyyat ke siva kuchh bhi nahin main kisi tarah bhi samjhauta nahin kar saka ya to sab kuchh hi mujhe chahiye ya kuchh bhi nahin kaise jaana hai kahaan jaana hai kyun jaana hai ham ki chalte chale jaate hain pata kuchh bhi nahin haaye is shahar ki raunaq ke main sadqe jaaun aisi bharpoor hai jaise ki hua kuchh bhi nahin phir koi taaza sukhun dil men jagah karta hai jab bhi lagta hai ki likhne ko bacha kuchh bhi nahin ab main kya apni mohabbat ka bharam bhi na rakhoon maan leta hooñ ki us shaKHs men tha kuchh bhi nahin main ne duniya se alag rah ke bhi dekha javvaad aisi munh-zor udaasi ki davaa kuchh bhi nahin

ik din KHud ko apne paas bithaaya ham ne pahle yaar banaya phir samjhaaya ham ne KHud bhi aakhir-kaar unhi va'don se bahle jin se saari duniya ko bahlāya ham ne bheed ne yoonhi rahbar maan liya hai warna apne alaava kis ko ghar pahunchaaya ham ne maut ne saari raat hamaari nabz tatoli aisa marne ka maahol banaya ham ne ghar se nikle chauk ga.e phir park men baithe tanhaaii ko jagah jagah bikhrāya ham ne in lamhon men kis ki shirkat kaisi shirkat use bula kar apna kaam badhaaya ham ne duniya ke kacche rangon ka rona roya phir duniya par apna rang jamaaya ham ne jab shariq pahchaan ga.e manzil ki haqeeqat phir raaste ko raaste bhar uljhaaya ham ne

aks kitne utar ga.e mujh men phir na jaane kidhar ga.e mujh men main ne chaaha tha zakham bhar jaayen zakham hi zakham bhar ga.e mujh men main vo pal tha jo kha gaya sadiyaan sab zamaane guzar ga.e mujh men ye jo main hooñ zaraa sa baaki hooñ vo jo tum the vo mar ga.e mujh men mere andar thii aisi taarikee aa ke aaseb dar ga.e mujh men pahle utara main dil ke dariyaa men phir samundar utar ga.e mujh men kaisa mujh ko banaa diya ammaar kaun sa rang bhar ga.e mujh men