kabhi milenge to ye karz bhi utaarenge tumhaare chehre ko paharon talak nihaarenge ye kya sitam ki khilaadi badal diya usne ham is umeed pe baithe the ham hi haarenge hamaare baad tere ishq men naye ladke badan to choomenge zulfen nahin sanvaarenge

seena dahak raha ho to kya chup rahe koi kyun cheekh cheekh kar na gala chheel le koi saabit hua sukoon-e-dil-o-jaan kahii nahin rishton men dhoondhta hai to dhoonda kare koi tark-e-taalluqaat koi mas'ala nahin ye to vo raasta hai ki bas chal pade koi deewaar jaanta tha jise main vo dhool thii ab mujh ko e'timaad ki daawat na de koi main KHud ye chahta hooñ ki haalaat hooñ KHaraab mere KHilaaf zahar ugalta phire koi ai shaKHs ab to mujh ko s abhii kuchh qubool hai ye bhi qubool hai ki tujhe cheen le koi haan theek hai main apni ana ka mareez hooñ aaKHir mere mizaaj men kyun dakhl de koi ik shaKHs kar raha hai abhii tak vafaa ka zikr kaash us zabaan-daraaz ka munh noch le koi

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

raun dii hui hai kaukaba-e-shahriyaar ki itr aa.e kyun na KHaak sar-e-rahguzaar ki jab us ke dekhne ke li.e aayen baadshaah logon men kyun numood na ho laala-zaar ki bhooke nahin hain sair-e-gulistaan ke ham wale kyunkar na khaaiye ki hawa hai bahaar ki

hareef-e-matlab-e-mushkil nahin fusoon-e-niyaaz dua qubool ho ya rab ki umr-e-khizr daraaz na ho ba-harza biyaabaan-navard-e-vahm-e-wujood hanooz tere tasavvur men hai nasheb-o-faraz visaal jalwa tamasha hai par dimaagh kahaan ki deeje aaina-e-intezaar ko pardaz har ek zarra-e-aashiq hai aftaab-parast gaii na KHaak hue par hawa-e-jalwa-e-naaz na pooch wusaat-e-may-khaana-e-junoon ghalib jahaan ye kaasa-e-gardoon hai ek khaak-andaaz fareb-e-sanat-e-ijaad ka tamasha dekh nigaah aks-farosh o khayal aaina-saaz zi-bas-ki jalwa-e-sayyaad hairat-aara hai udri hai safha-e-khaatir se soorat-e-parwaaz hujoom-e-fikr se dil misl-e-mauj larze hai ki sheesha naazuk o sahba-e-aabgeen-gudaaz asad se tark-e-wafa ka gumaan vo maani hai ki kheenchiye par-e-taair se soorat-e-parwaaz hanooz ai asar-e-deed nang-e-ruswaai nigaah fitna-khiraam o dar-e-do-aalam baaz

chahiye achhon ko jitna chahiye ye agar chahein to phir kya chahiye sohbat-e-rindaa se waajib hai hazar jaa-e-may apne ko kheecha chahiye chaahne ko tere kya samjha tha dil baare ab is se bhi samjha chahiye chaak mat kar jaib be-ayyaam-e-gul kuchh udhar ka bhi ishaara chahiye dosti ka parda hai begaangi munh chhupaana ham se chhodaa chahiye dushmani ne meri khoya gair ko kis qadar dushman hai dekha chahiye apni ruswaai men kya chalti hai sa'i yaar hi hangaama-aara chahiye munhasir marne pe ho jis ki umeed na-ummee dii us ki dekha chahiye ghaafil in mah-tal'atoon ke vaaste chaahne vaala bhi achha chahiye chahte hain khoob-ruyon ko asad aap ki soorat to dekha chahiye

havas ko hai nashaat-e-kaar kya kyana ho marna to jeene ka mazaa kya tajaahul-peshagi se muddaa kya kahaan tak ai saraapa naaz kya kya nawaazish-ha-e-beja dekhta hooñ shikaayat-ha-e-rangeen ka gilaa kya nigaah-e-be-mahaaba chahta hooñ taghaful-ha-e-tamkeen-aazma kya farogh-e-shola-e-khas ya-nafas hai havas ko paas-e-naamoos-e-wafa kya nafs mauj-e-muheet-e-be-khu dii hai taghaful-ha-e-saaki ka gilaa kya dimaag-e-itr-e-pairaahan nahin hai gh'am-e-aawaargi-ha-e-saba kya dil-e-har-qatra hai saaz-e-anl-bahar ham us ke hain hamaara poochna kya muhaaba kya hai main zaamin idhar dekh shaheedaan-e-nigah ka khoon-bahaa kya sun ai ghaarat-gar-e-jins-e-wafa sun shikast-e-sheesha-e-dil ki sadaa kya kiya kis ne jigar-daari ka daava shakeeb-e-khaatir-e-aashiq bhala kya ye qaateel waada-e-sabr-aazma kyun ye kaafir fitna-e-taaqat-ruba kya bala-e-jaan hai ghalib us ki har baat ibaarat kya ishaarat kya ada kya

vo mirii cheen-e-jabeen se gham-e-pinhan samjha raaz-e-maktoob b-be-rabti-e-unwan samjha yak alif besh nahin saiqal-e-aaina hanooz chaak karta hooñ main jab se ki garebaan samjha sharh-e-asbaab-e-giraftaari-e-khaatir mat pooch is qadar tang hua dil ki main zindaan samjha bad-gumaani ne na chaaha use sargarm-e-khiraam rukh pe har qatra arq deeda-e-hairaan samjha izz se apne ye jaana ki vo bad-khoo hogaa nabz-e-khas se tapish-e-shola-e-sozaan samjha safar-e-ishq men ki zof ne rahat-talbi har qadam saa.e ko main apne shabistaan samjha tha gurezaan miza-e-yaar se dil ta dam-e-marg daf-e-paikaan-e-qaza is qadar aasaan samjha dil diya jaan ke kyun us ko wafadar asad ghalti ki ki jo kaafir ko musalmaan samjha ham ne wahshat-kada-e-bazm-e-jahaan men jun shama' sho'la-e-ishq ko apna sar-o-saamaan samjha