mere li.e to ishq ka vaa'da hai shayari aadha suroor tum ho to aadha hai shayari rudraaksh haath men hai to seene men om hai krishna hai meraa dil meri radha hai shayari apna to mel jol hi bas aashikon se hai darvesh ka bas ek labaada hai shayari ho aashna koi to dikhaati hai apna rang be ramziyon ke vaaste saada hai shayari tum saamne ho aur meri dastaras men ho is waqt mere dil ka iraada hai shayari bhagwaan ho KHuda ho muhabbat ho ya badan jis samt bhi chalo yahii jaada hai shayari is li.e bhi ishq hi likhta hooñ main ali meraa kisi se aakhri vaa'da hai shayari

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

kabhi milenge to ye karz bhi utaarenge tumhaare chehre ko paharon talak nihaarenge ye kya sitam ki khilaadi badal diya usne ham is umeed pe baithe the ham hi haarenge hamaare baad tere ishq men naye ladke badan to choomenge zulfen nahin sanvaarenge

ham unhen vo ha men bhula baithe do gunahgaar zahar kha baithe haal-e-gham kah ke gham badha baithe teer maare the teer kha baithe aandhiyo jaao ab karo aaraam ham KHud apna diya bujha baithe jee to halka hua magar yaaro ro ke ham lutuf-e-gham ganwa baithe be-sahaaron ka hausla hi kya ghar men ghabraaye dar pe aa baithe jab se bichhde vo muskuraaye na ham sab ne chheda to lab hila baithe ham rahe mubtala-e-dair-o-haram vo dabey paanv dil men aa baithe uth ke ik be-vafa ne de dii jaan rah ga.e saare ba-wafa baithe hashr ka din abhii hai door khumaar aap kyun zaahidon men ja baithe

vo siva yaad aa.e bhulaane ke baad zindagi badh gaii zahar khaane ke baad dil sulagta raha aashiyaane ke baad aag thandi hui ik zamaane ke baad raushni ke li.e dil jalana pada aisi zulmat badhi tere jaane ke baad jab na kuchh ban pada arz-e-gham ka javaab vo KHafaa ho ga.e muskuraane ke baad dushmanon se pashemaan hona pada doston ka khuloos aazmaane ke baad ranj had se guzar ke khushi ban gaya ho ga.e paar ham doob jaane ke baad bakhsh de ya rab ahl-e-hawas ko behisht mujh ko kya chahiye tujh ko paane ke baad kaise kaise gile yaad aa.e khumaar un ke aane se qabl un ke jaane ke baad

akelaa hain vo aur jhunjla rahe hain meri yaad se jang farma rahe hain ilaahi mere dost hon khairiyat se ye kyun ghar men patthar nahin aa rahe hain bahut KHush hain gustakhion par hamaari bazaahir jo barham nazar aa rahe hain ye kaisi hawa-e-taraqqi chali hai diye to diye dil bujhe ja rahe hain bahisht-e-tasavvur ke jalwe hain main hooñ judaai salaamat maze aa rahe hain bahaaron men bhi may se parhez tauba khumaar aap kaafir hue ja rahe hain

tu chahiye na teri vafaa chahiye mujhe kuchh bhi na tere gham ke siva chahiye mujhe marne se pahle shakl hi ik baar dekh luun ai maut zindagi ka pata chahiye mujhe ya rab mua'af kar ke na de karb-e-infi'aal main ne khataayein ki hain saza chahiye mujhe khaamoshi-e-hayaat se ukta gaya hooñ main ab chahe dil hi toote sadaa chahiye mujhe un mast mast aankhoñ men aañsu are ghazab ye ishq hai to qahr-e-khuda chahiye mujhe naaseh naseehaton ka zamaana guzar gaya ab pyaare sirf teri dua chahiye mujhe har dard ko davaa ki zaroorat hai ai khumaar jo dard KHud ho apni davaa chahiye mujhe

kya hua husn hai hum-safar ya nahin ishq manzil hi manzil hai rastaa nahin do parinde ude aankh nam ho gaii aaj samjha ki main tujh ko bhoola nahin tark-e-may ko abhii din hi kitne hue kuchh kaha may ko zaahid to achha na har nazar meri ban jaati zanjeer-e-paaus ne jaate hue mud ke dekha nahin chhod bhi de mira saath ai zindagi mujh ko tujh se nadaamat hai shikwa nahin tu ne tauba to kar li magar ai khumaar tujh ko rahmat pe shaayad bharosa nahin