zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

khaali baithe ho to ik kaam meraa kar do naa mujh ko achha sa koii zaKHm ada kar do naa dhyaan se panchiyo ko dete ho daana paani itne achchhe ho to pinjare se rihaa kar do naa jab qareeb aa hi ga.e ho to udaasi kaisi jab diya de hi rahe ho to jala kar do naa

uske haathon men jo khanjar hai zyaada tez hai aur phir bachpan se hi uskaa nishaana tez hai jab kabhi us paar jaane ka khyaal aata mujhe koi aahista se kahtaa tha ki dariyaa tez hai aaj milnaa tha bichhad jaane ki niyat se ha men aaj bhi vo der se pahuncha hai kitna tez hai apna sab kuchh haar ke laut aaye ho na mere paas main tumhe kahtaa bhi rehta ki duniya tez hai aaj uske gaal choo men hain to andaaza hua chaai achchhii hai magar thoda sa meetha tez hai

ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e

kisi libaas ki khushboo jab ud ke aati hai tere badan ki judaai bahut sataati hai tere gulaab tarsate hain teri khushboo ko teri safed chameli tujhe bulaati hai tere baghair mujhe chain kaise padta hain mere bagair tujhe neend kaise aati hai

phir bhayaanak teergii men aa ga.e ham gajr bajne se dhoka kha ga.e haaye KHvaabon ki khayaaban-saaziyaan aankh kya khuli chaman murjha ga.e kaun the aaKHir jo manzil ke qareeb aaine ki chadaren faila ga.e kis tajalli ka diya ham ko fareb kis dhundlake men ha men pahuncha ga.e un ka aanaa hashr se kuchh kam na tha aur jab palte qayamat dhaa ga.e ik paheli ka ha men de kar javaab ik paheli ban ke har soo chha ga.e phir vahii akhtar-shumaari ka nizaam ham to is takraar se ukta ga.e rehnumaao raat abhii baaki sahi aaj sayyaare agar takra ga.e kya rasaa nikli dua-e-ijtihaad vo chhupaate hi rahe ham pa ga.e bas vahii memaar-e-fardaa hain nadeem jin ko mere valvale raas aa ga.e

jee chahta hai falak pe jaaun suraj ko ghuroob se bachaaun bas meraa chale jo gardishon par din ko bhi na chaand ko bujhaaun main chhod ke seedhe raaston ko bhatki hui nekiyaan kamaoon imkaan pe is qadar yaqeen hai seharaaon men beej daal aaun main shab ke musafiron ki khaatir mish'aal na mile to ghar jalaaun ashaar hain mere istiaare aao tumhein aaine dikhaaun yuñ bat ke bikhar ke rah gaya hooñ har shaKHs men apna aks paau awaaz jo doon kisi ke dar par andar se bhi KHud nikal ke aaun ai chaaragaraan-e-asr-e-haazir faulaad ka dil kahaan se laaun har raat dua karoon sehar ki har subh naya fareb khaaoon har jabr pe sabr kar raha hooñ is tarah kahii ujad na jaaun rona bhi to tarz-e-guftugoo hai aañkhen jo ruken to lab hilaaoon KHud ko to nadeem aazmaaya ab mar ke KHuda ko aazmaaoon

tu bigadta bhi hai khaas apne hi andaaz ke saath phool khilte hain tire shola-e-aawaaz ke saath ek baar aur bhi kyun arz-e-tamanna na karoon ki tu inkaar bhi karta hai ajab naaz ke saath lay jo tooti to sadaa aayi shikast-e-dil ki rag-e-jaan ka koi rishta hai rag-e-saaz ke saath tu pukaare to chamak uthatii hain meri aañkhen teri soorat bhi hai shaamil tiri awaaz ke saath jab tak arzaan hai zamaane men kabootar ka lahu zulm hai rabt rakhoon gar kisi shahbaaz ke saath past itni to na thii meri shikast ai yaaro par samete hain magar hasrat parwaaz ke saath pahre baithe hain qafas par ki hai sayyaad ko vaham par-shikaston ko bhi ik rabt hai parwaaz ke saath umr bhar sang-zanee karte rahe ahl-e-watan ye alag baat ki dafnaayenge e'zaaz ke saath

kahii vo mirii mohabbat men ghul raha hi na ho KHuda kare use ye tajurba hua hi na ho supurdagi miraa mea'ar to nahin lekin main sochta hooñ tire roop men KHuda hi na ho main tujh ko pa ke bhi kis shaKHs ki talash men hooñ mire khayal men koi tire siva hi na ho vo uzr kar ki mire dil ko bhi yaqeen aa.e vo geet ga ki jo main ne k abhii suna hi na ho vo baat kar jise faila ke main ghazal kah luun sunaau she'r jo main ne abhii likha hi na ho sehar ko dil ki taraf ye dhuaan sa kaisa hai kahii ye miraa diya raat-bhar jala hi na ho ho kaise jabr-e-mashiyyat ko is dua ka lihaaz jo ek baar mile phir k abhii juda hi na ho ye abr-o-kisht ki duniya men kaise mumkin hai ki umr-bhar ki vafaa ka koi sila hi na ho mirii nigaah men vo ped bhi hai bad-kirdaar lada hua ho jo phal se magar jhuka hi na ho jo dasht dasht se phoolon ki bheek maangata tha kahii vo tod ke kashkol mar gaya hi na ho tuloo-e-subh ne chamka diye hain abr ke chaak nadeem ye miraa daaman-e-muddaa hi na ho

andheri raat ko ye mo'jiza dikhaayenge ham charaagh agar na jala apna dil jalaainge ham hamaari kohkani ke hain mukhtalif meyaar pahaad kaat ke raste naye banaaenge ham junoon-e-ishq pe tanqeed apna kaam nahin gulon ko noch ke kyun titliyan udaayenge ham jo dil dukha hai to ye azm bhi mila hai ha men tamaam umr kisi ka na dil dukhaaenge ham agar hai maut men kuchh lutf to bas itnaa hai ki is ke baad KHuda ka suraag paayenge ham ha men to qabr bhi tanhaa na kar sakegi nadeem ki har taraf se zameen ko qareeb paayenge ham