vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

sunne men aaya hai meraa charcha nain tha mujh...ko jitna lagta tha main utna nain tha us..ko achchhe lagte the sab chhail chhabele ham jaison ko usse koi khatra nain tha saada dil the so ham apne hi dushman the vo bhi achha lagta tha jo achha nain tha maik saajan ki sab besharmi dekhi sab kuchh socha karta tha vo kahtaa nain tha achchhii soorat kitnii achchhii ho sakti thii lekin tab tak maine us..ko dekha nain tha

vo jo likha hai sab kitaabon men vo hi shaamil nahin nisaabon men uski taaseer aise kaatee hai hamne gholaa use sharaabon men ye meri hichakiyaañ bataati hain main baqaaya hooñ kuchh hisaabon men to koi tajruba hi kar len kya kuchh nahin mil raha kitaabon men ham use yoon hi mil ga.e hote usne dhoondha nahin kharaabon men aao aur aa ke phir bichhad jaao kuchh izaafa karo azaabon men

KHabar sunkar vo ye itra raha hai mujhe uskaa bichhoda kha raha hai mere sayyaad ko koi bula do mere pinjare ko toda ja raha hai nikalna hai ha men kab se safar par magar ye jism aade aa raha hai main us..ko yaad bhi karna na chaahoon vo aakar khwaab men uksaa raha hai chalo us..ko aziyat se nikaalen suna hai ab bhi vo pachta raha hai

shaam dhale main ghar raushan bhi karta tha kitna kuchh to main beman bhi karta tha duniya mujhse sirf mohabbat karti hai vo deewaana paagalpan bhi karta tha tum jo kahte the na ik din choo loge choo lete na meraa man bhi karta tha mere sirhaane vo ghunghroo gumsum hai uske pairo'n men chhanchhan bhi karta tha uske haathon men bas ham hi janchte the daava sone ka kangan bhi karta tha

apni marzi se kuchh chunoonga main har ada par nahin maroonga main vo agar aise dekh le mujh...ko us..ko achha nahin lagunga main baagh men dil nahin laga ab ke agle mausam nahin khiluunga main usse aage nahin nikalna par uske peeche nahin chalunga main kah ga.e the vo yaad rakkhenge yaad hi to nahin rahoonga main