vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

bas ik usii pe to poori tarah ayaan hoon main vo kah raha hai mujhe raigaan to haan hoon main jise dikhaai doon meri taraf ishaara kare mujhe dikhaai nahin de raha kahaan hoon main idhar-udhar se nami ka risaav rehta hai sadak se neeche banaya gaya makaan hoon main kisi ne poocha ki tum kaun ho to bhool gaya abhii kisi ne bataaya to tha falan hoon main main KHud ko tujh se mitaaounga ehtiyaat ke saath tu bas nishaan laga de jahaan jahaan hoon main main kis se poochhun ye rastaa durust hai ki galat jahaan se koi guzarta nahin vahaan hoon main

suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

yaad ke sehra men kuchh to zindagi aa.e nazar sochta hooñ ab banaa luun ret se hi koi ghar kis qadar yaaden ubhar aayi hain tere naam se ek patthar feknne se pad ga.e kitne bhanwar vaqt ke andhe kuein men pal rahi hai zindagi ai mire husn-e-takhayyul baam se neeche utar tu aseer-e-aabroo-e-sheva-e-pindaar-e-husn main giraftaar-e-nigaah-e-zindagi-e-mukhtasar zabt ke qarye men amjad dekhiye kaise kate soch ki sooni sadak par yaad ka lamba safar

agarche koi bhi andha nahin tha likha deewaar ka padhta nahin tha kuchh aisi barf thii us ki nazar men guzarne ke li.e rastaa nahin tha tumhi ne kaun si achchaai ki hai chalo maana ki main achha nahin tha khulii aankhoñ se saari umr dekha ik aisa KHvaab jo apna nahin tha main us ki anjuman men tha akela kisi ne bhi mujhe dekha nahin tha sehar ke vaqt kaise chhod jaata tumhaari yaad thii sapna nahin tha khadi thii raat khidki ke sirhaane dariche men vo chaand utara nahin tha dilon men girne waale ashk chunta kahii ik jauhri aisa nahin tha kuchh aisi dhoop thii un ke saroon par KHuda jaise ghareebon ka nahin tha abhii harfon men rang aate kahaan se abhii main ne use likkha nahin tha thii poori shakl us ki yaad mujh ko magar main ne use dekha nahin tha barhana KHvaab the suraj ke neeche kisi ummeed ka parda nahin tha hai amjad aaj tak vo shaKHs dil men ki jo us vaqt bhi meraa nahin tha

nikal ke halka-e-shaam-o-sehr se jaayen kahii zameen ke saath na mil jaayen ye khalaayein kahii safar ki raat hai pichhli kahaaniyaan na kaho rutoon ke saath palatti hain kab hawaaein kahii fazaa men tairte rahte hain naqsh se kya kya mujhe talash na karti hon ye balaaen kahii hawa hai tez charagh-e-wafa ka zikr to kya tanaabein khema-e-jaan ki na toot jaayen kahii main os ban ke gul-e-harf par chamakta hooñ nikalne vaala hai suraj mujhe chhupaayein kahii mire vujood pe utri hain lafz ki soorat bhatk rahi theen khalaon men ye sadaaein kahii hawa ka lams hai paanv men bediyo ki tarah shafaq ki aanch se aañkhen pighal na jaayen kahii ruka hua hai sitaaron ka kaarwaan amjad charaaghhh apne lahu se hi ab jalaaen kahii

parde men laakh phir bhi numoodaar kaun hai hai jis ke dam se garmi-e-baazaar kaun hai vo saamne hai phir bhi dikhaai na de sake mere aur us ke beech ye deewaar kaun hai baagh-e-wafaa men ho nahin saka ye faisla sayyaad yaa pe kaun girftaar kaun hai maana nazar ke saamne hai be-shumaar dhund hai dekhna ki dhund ke is paar kaun hai kuchh bhi nahin hai paas pe rehta hai phir bhi KHush sab kuchh hai jis ke paas vo bezaar kaun hai yuñ to dikhaai dete hain asraar har taraf khulta nahin ki saahib-e-asraar kaun hai amjad alag si aap ne khuli hai jo dukaaan jins-e-hunar ka yaa ye khareedaar kaun hai

tashheer apne dard ki har soo karaiye jee chahta hai minnat-e-tiflaan uthaiye khushboo ka haath thaam ke kijeye talaash-e-rang paanv ke naqsh dekh ke rastaa banaaiye phir aaj pattharon se mulaqaat keejie phir aaj sathe-aab pe chehre banaaiye har inkishaaf dard ke parde men aayega gar ho sake to KHud se bhi KHud ko chhu paa.e phoolon ka raasta nahin yaaro mira safar paanv aziz hain to abhii loot jaaie kab tak hina ke naam pe dete rahen lahu kab tak nigaaar-e-dard ko dulhan banaaiye amjad mataa-e-umr zaraa dekh-bhaal ke aisa na ho ki baa'd men aañsu bahaaiye