tere jaisa koi mila hi nahin kaise milta kahii pe tha hi nahin ghar ke malbe se ghar banaa hi nahin zalzale ka asar gaya hi nahin mujh pe ho kar guzar gaii duniya main tiri raah se hata hi nahin kal se masroof-e-khairiyat main hooñ she'r taaza koi hua hi nahin raat bhi ham ne hi sadaarat ki bazm men aur koi tha hi nahin yaar tum ko kahaan kahaan dhoonda jaao tum se main bolta hi nahin yaad hai jo usii ko yaad karo hijr ki doosri davaa hi nahin

yahaañ tum dekhna rutba hamaara hamaari ret hai dariyaa hamaara kisi se kal pitaaji kah rahe the muhabbat kha gaii ladka hamaara ta'alluq khatm karne ja rahi hai kahii girwa na de bachcha hamaara

kisi libaas ki khushboo jab ud ke aati hai tere badan ki judaai bahut sataati hai tere gulaab tarsate hain teri khushboo ko teri safed chameli tujhe bulaati hai tere baghair mujhe chain kaise padta hain mere bagair tujhe neend kaise aati hai

deewaana banaana hai to deewaana banaa de warna kahii taqdeer tamasha na banaa de ai dekhne waalo mujhe hañs hañs ke na dekho tum ko bhi mohabbat kahii mujh sa na banaa de

mujhe udaas kar ga.e ho KHush raho mire mizaaj par ga.e ho KHush raho mire li.e na ruk sake to kya hua jahaan kahiin thehar ga.e ho KHush raho khushi hui hai aaj tum ko dekh kar bahut nikhar sanwar ga.e ho KHush raho udaas ho kisi ki be-vafaaii par vafaa kahiin to kar ga.e ho KHush raho gali men aur log bhi the aashna ha men salaam kar ga.e ho KHush raho tumhein to meri dosti pe naaz tha isee se ab mukar ga.e ho KHush raho kisi ki zindagi bano ki bandagi mire li.e to mar ga.e ho KHush raho

husn ik gulsitaan ka maali hai aankh shahtoot badan daali hai maine kuchh der udaasi hañs kar maari hai maar nahin daali hai saaj-o-shringaar se chamkaaya badan ek hi note vo bhi jaali hai

bachi hai raushni jo bhi charaaghon se nikal jaa.e jo mere dil se niklaa hai duaon se nikal jaa.e ham aise log jo dushman ke rone par thehar jaayen vo aisa shaKHs jo apnon ki laashon se nikal jaa.e padaane ka agar matlab hai haathon se nikal jaana khudaaya phir mirii beti bhi haathon se nikal jaa.e vahii ik shaKHs tha meraa yahaañ par jee lagaane ko usii ko chahte the sab ki gaav se nikal jaa.e idhar to choo rahi hai jism meraa thande haathon se udhar vo chahti hai raat baaton se nikal jaa.e numaish baap ki daulat ki kar ke sochta tha main ki shaayad imtihaan-e-ishq paison se nikal jaa.e

yaanii ki ishq apna mukammal nahin hua gar main tumhaare hijr men paagal nahin hua vo shakhs saalon baad bhi kitna haseen hai vo rang canvas pe kabhi dal nahin hua us god jaisi neend muyassar na ho saki utna to makhmali kabhi makhmal nahin hua do chaar raabton ne hi paagal kiya mujhe achha hua jo rabt musalsal nahin hua is baar mere haal pe khulkar nahin hañsi is baar tere gaal pe dimple nahin hua andha vo kyuuñ hua pata lagne ke baad main ta-umr uski aankh se ojhal nahin hua yuñ kheenchti hai teer vo apne nishaane par har ik shikaar mar gaya ghaayal nahin hua

jism qaid karti hai vo jaan chhod deti hai mool mool rakhti hai lagaan chhod deti hai jaan-e-jaan tujhe pata nahin mahaaz-e-ishq men be-vafaaii hont par nishaan chhod deti hai kaise ham parindon ko shikaari ka pata lage teer chhodate hi vo kamaan chhod deti hai

tamaam umr bachaata raha KHuda us ko kisi ki lag hi gaii phir bhi bad-dua us ko vo apni zindagi aur doston men hai masroof meri tamaam pareshaaniyon se kya us ko tum us se kehna kisi din tabaah kar dega kam umr ladkiyon ke dil se khelna us ko bichhadte vaqt use dekh kar laga jaise har ek cheez ka pahle se ilm tha us ko hunar-shanaas kisi din qaraar kar denge banaane waale tire fan ki intiha us ko na jaane kaun sa pesha hai jis men lagta hai har ek shaam koi aadmi naya us ko use sataayein mohabbat ke lautte mausam kabhi bhi raas na aa.e america us ko KHuda main bhi tiri is duniya ko mita dooñga hamaare jhagde men kuchh bhi agar hua us ko