ghazalKuch Alfaaz
KHud ko hujoom-e-dahr men khona pada mujhe jaise the log waisa hi hona pada mujhe dushman ko marte dekh ke logon ke saamne dil hañs raha tha aankh se rona pada mujhe kuchh is qadar the phool zameen par khile hue taaron ko aasmaan men bona pada mujhe aisi shikast thii ki kati ungliyon ke saath kaanton ka ek haar pirona pada mujhe kaari nahin tha vaar magar ek umr tak aab-e-namak se zakham ko dhona pada mujhe aasaan nahin hai likhna gham-e-dil ki waardaat apna qalam lahu men dubona pada mujhe itni taveel o sard shab-e-hijr thii naseem kitnii hi baar jaagna sona pada mujhe
Iftikhar Naseem0 Likes
